Demalys kúndergi lokdaýn máselesine qatysty "Atameken" Ulttyq kásipkerler palatasy bizge habarlasty. Eger jaǵdai birshama túzelse, onda kelesi aptadan bastap senbide jeńildikter jasaýdy josparlap otyrmyz, - dedi OKQ-daǵy brifingide Densaýlyq saqtaý ministri.
Ol respýblikamyzdaǵy eń joǵary aýrýshańdyq deńgeii Almaty qalasyna tiesili ekenin atap ótti. Sondyqtan munda qatań karantindik shekteýler engizilgen.
Almatyda jaǵdai úreili, ólim deńgeii joǵary, aýrýshańdyq deńgeii respýblikamyzdaǵy eń joǵary kórsetkishterdiń biri, sondyqtan shekteý sharalary qazirgi jaǵdaiǵa sáikes keledi. Tarazy basynda el azamattarynyń ómiri tur. Biz barlyǵyn egjei-tegjeili qarap jatyrmyz jáne birinshi múmkindikte jeńildikter jasaimyz, bizneske jumys jasaýǵa múmkindik beremiz, - dedi ministr.
Buǵan deiin úkimet otyrysynda Premer-ministr Asqar Mamin "qyzyl" aimaqtaǵy óńirlerde demalys kúnderi lokdaýn rejimi saqtalatynyn aitty.
...
Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetovanyń atap ótkenindei karantindik rejimdi buzý tyiylmai tur.
Ol zardaptardyń aldyn alý úshin úlken meiramhanalardyń janyna politsiia beketteri ornatylǵan Shyǵys Qazaqstan oblysyn mysalǵa keltirdi.
Onyń aitýynsha, dál osyndai is -sharalar Almatyda da qolǵa alynýda, munda jergilikti atqarýshy organdar túngi klýbtardyń janyna politsiia beketterin ornalastyrady.
Bul arada árkimniń azamattyq jaýapkershiligine joǵary talap qoiylady. Sebebi karantindik sharalardy buza otyryp, karantindi buzǵan árbir azamat virýstyń taralýyna yqpal etedi.
Virýstyń taralýyna yqpal etý, óz kezeginde, biz virýsty mýtatsiiaǵa itermeleimiz.
Qazaqstan halqyn taǵy bir márte qazirgi epidemiologiialyq jaǵdaidy eskere otyryp, vaktsina alýǵa jáne barlyq shekteý sharalaryn saqtaýǵa, buqaralyq oryndarǵa barmaýǵa, toi-tomalaqqa qatyspaýǵa shaqyramyz, - dedi komitet basshysy.
