Belgili jýrnalist Dias Nuraqyn Baqytjan Buqarbaidyń bastamasymen jaryqqa shyqqan “Kak ýpravliat kazahami” atty kitapqa bailanysty pikir bildirip, týyndynyń basy-qasynda júrgen jaýapty adamdar arnaiy jazaǵa tartylýy kerek ekenin jetkizdi, dep habarlaidy Dalanews.kz.
Sózinshe, kitapty tanymal qazaqstandyq kásipker qarjylandyrǵan.
“Iá, iá “Kak ýpravliat kazahami” degen kitap satyla bastapty. Ataýyn oqyǵannan-aq at tepkendei ańqiyp qaldym. “Qazaqtardy qalai basqarýǵa bolady” degen kitap shyǵaryp ony satý qai qoianshyqtyń qaýashaǵyna keldi eken?
Sóitsem bizdi basqarýdy úiretip júrgen Baqytjan Buharbai degen baspager eken. Al kitapty basyp shyǵarýǵa qarjy bólgen Keńes Raqyshev kórinedi. Glamýrnyi kitaptar shyǵaratyn Baqytjan men millioner Raqyshevtiń kózdegeni ne? Eski Qazaqstannyń bai-baǵlandary bizdi bilep tóstegisi keledi me? Bul kitap bastaýyn sonaý 1734 jyldan alady eken. Sol kezde Ivan Kirillov degen I Petrdiń ókili jazǵan. Olar qazaqtardy qalai basqaramyz, qalai baǵyndyramyz degen maqsatpen qazaq dalasyna kelgen.
Ne de bolsa kitap avtorlary jaýapkershilikterin túsinip, jazalanýy kerek jáne barlyq kitaptardy sórelerden alyp tastaýy kerek dep sanaimyn”, - deidi BAQ ókili.
Aitýynsha, mundai áreketke kóz jumyp qaraýǵa bolmaidy.
“Kitap avtory Baqytjan Buharbai áleýmettik jelisinde kitaptyń aty aiqailap turǵanymen, aitary basqa dep aqtalypty. Esh aqtap alýǵa bolmaityn dúnie bul. Marketingtiń de jóni bar. Aqsha tabý úshin halyqtyń jandy jerine tiisýdiń qajeti joq.
Baqytjan Buqarbai kitapty shyǵarar kezde ataýy halyqtyń reaktsiiasyn týǵyzatynyn eskermedi dep eseptemeimin. Kerisinshe, shý týǵyzyp, qara piar jasap, sol arqyly kitabyn ótkizip alýdy kózdegeni anyq. Deni durys adam óz halqyn mansuqtaityn ataý qoia ma? Álde “Qazaqty qalai basqarý kerek” dep kitap ataýyn qoiyp jatqanda eshteńe oilanbaitynbai sonshalyqty aqymaq pa?
Menińshe, munyń bári nadandyq, shekten shyǵý. Aqshanyń býyna mastanyp, halqyńdy bireýdiń aldyna jyǵyp berý. Erteń qazaqtar ózderin bireýdiń basqarýyna daiyndalyp júr eken dep basqalardyń jetip kelmesine eshkim kepil emes”, - dep sózin jalǵady ol.
Osy tusta jýrnalist belgili baspager Baqytjan Buqarbaidy barlyq litsenziiasynan aiyrýdy usyndy.
“Bireýler kitaptyń shyǵarylýyna bilikti kinálap jatyr eken. Eldegi árbir adamnyń kitap shyǵarýǵa quqy bar. Olardyń bárin baqylap otyra bermeidi. Biraq mynandai shýdan keiin bilik Baqytjan Buqarbaidyń búkil litsenziiasyn qaitaryp alyp, kitap shyǵarý quqyǵynan aiyrsa, qos qoldap qoldar edim. Otyrardyń qaqpasyn ashyp bergen Qarashoqy sekildi adamdardyń ishten iritkeni qajet emes”, - dedi ol.
