Jasandy intellekt memlekettik satyp alýdaǵy jemqorlyqty tolyq joia almaidy, dep habarlaidy Dala News.
Sarapshylar Daniiadaǵy 2016–2022 jyldar aralyǵyndaǵy 21 myńǵa jýyq satyp alý derekterin taldap, birneshe mańyzdy qorytyndy jasaǵan.
Birinshiden, basty faktor – derekter sapasy. Jasandy intellekt algoritmderi derekterge táýeldi, sondyqtan álsiz nemese tolyq emes málimetter durys nátije bermeidi.
Ekinshiden, kompaniia ieleri týraly ashyq reestrlerdiń bolýy mańyzdy. Mundai derekter buzýshylyqtardy anyqtaýǵa kómektesedi. Alaida Qazaqstanda bul aqparat tolyq ári ózekti túrde qoljetimdi emes.
Úshinshiden, algoritmder jemqorlyqty tek «anomaliia» retinde anyqtaidy. Iaǵni júie jalpy derektermen salystyryp, aýytqýdy baiqasa ǵana kúmán týdyrady. Eger belgili bir zańbuzýshylyqtar júiede qalypty jaǵdaiǵa ainalsa, jasandy intellekt ony problema retinde kórmeýi múmkin.
Sondyqtan basqa elderdiń daiyn algoritmderin paidalaný tiimsiz. Ár eldiń derekter bazasy men «qalypty» kórsetkishteri ártúrli.
Sarapshylardyń pikirinshe, qazirgi jaǵdaida jasandy intellekt baqylaýshy organdardyń jumysyn tolyq almastyra almaidy. Júieni tiimdi etý úshin eń aldymen sapaly derekter jinaý men ashyqtyqty qamtamasyz etý qajet.
