Júz balabaqsha salýǵa jetetin qarjy jemqorlardyń jemsaýynda ketipti
Sybailas jemqorlyqqa qarsy is-qimyl boiynsha ulttyq biýronyń jetekshisi Talǵat Tatýbaevtyń aitýynsha, búginde atalǵan organ urlanǵan aqshany anyqtap qana qoimai, tárkilengen múlik pen aqshanyń ainalymyn da baqylap keledi.
– Memleket menshigine aýdarylatyn múlik te bar. Qazirgi kezde biz taǵy bir bastamany kóterip jatyrmyz. Ondai aktivterdi áleýmettik jaǵynan az qamtylǵandarǵa – balalar úileri men kópbalaly otbasylarǵa taratyp berý máselesi pysyqtalyp jatyr, – dedi Tatýbaev Astanadaǵy xalyqaralyq konferentsiiada.
Biýro basshysynyń aitýynsha, sybailas jemqorlyqqa qarsy arnaiy organ qurylǵaly beri 8 myńnan astam jemqorlyq áreketteri áshkerilendi. Osy jumystyń aiasynda shamamen 3 myń adam qylmystyq jazaǵa tartyldy. Memleketke kelgen shyǵyn 60 mlrd teńgeden asty.
– Ol aqshanyń jartysy qaitaryldy. Osy qarjyǵa 19 mektep, 100 balabaqsha nemese 18 aýrýxanany salýǵa bolatyn edi, – dep atap kórsetti Talǵat Tatýbaev.
