Jýrnalıser málimetine qaraǵanda, Mırzıaevtiń záýlim úıi jáne tikushaq qonatyn alańqaıy bar nysan qurylysy 2017 jyly bastalyp, 2018 jyl aıaǵyna taman bitken. Keshen Ýgam-CHatkal bıosfera qoryǵy aýmaǵynda boı kótergen. Bul qoryqtyń bir bóligi UNESCO uıymynyń dúnıejúzilik muralary tizimine engen.
Zertteýde shıpajaı mańynda jańa sý qoımasy bar ekeni aıtylǵan. Jergilikti turǵyndardyń aıtýynsha, bul qoıma sýmen qamtý júıesine kedergi keltirgen. Sol sebepti birneshe otbasy kóshýge májbúr bolǵan.
Ozodlık radıosynyń málimeti boıynsha, qurylysty "Ózbekstan temir joldary" memlekettik kompanıasy júrgizgen. Sý qoımasyn byltyr jarylǵan Sardoba qoımasyn turǵyzǵan kompanıa salǵan. Sardobadaǵy apattan alty adam qaza taýyp, myńdaǵan adam baspanasyz qalǵan edi.
Qupıa shıpajaı Tashkentten ońtústik-shyǵysqa qaraı 100 shaqyrym jerde ornalasqan. Bul jer Ózbekstanda ushýǵa tyıym salynǵan alty aımaqtyń birine jatady. Mırzıaev ákimshiligi men "Ózbekstan temir joly" baspasóz qyzmeti jýrnalıser saýaldaryna ázirge jaýap bergen joq.
