Jýrnalister Toqaevqa úndeý joldady: Botagóz Omarova isin baqylaýǵa alýdy jáne 274-bapty dekriminalizatsiialaýdy surady, dep habarlaidy Dalanews.kz
Qazaqstan jýrnalisteri Prezident Qasym-Jomart Toqaevqa Botagóz Omarovanyń isin jeke baqylaýǵa alýdy surap, ashyq úndeý jasady. Sonymen qatar, olar «jalǵan aqparat taratý» týraly Qylmystyq kodekstiń 274-babyn dekriminalizatsiialaý máselesin kóterdi.
«Biz, Qazaqstan jýrnalisteri, Sizge – Konstitýtsiia kepili ári “Zań jáne Tártip” tujyrymdamasynyń avtory retinde júginemiz. 2026 jylǵy 20 naýryz kúni 20 jyldan astam tájiribesi bar, minsiz bedelge ie áriptesimiz Botagóz Omarovany Astana qalalyq politsiia departamentine “áńgimelesýge” shaqyrdy. Ol óz erkimen bardy. Alaida birneshe saǵat ishinde onyń mártebesi ózgerip, aldymen qorǵaý quqyǵy bar kýágerden, keiin Qylmystyq kodekstiń 274-baby (“Kórineý jalǵan aqparat taratý”) boiynsha kúdiktige ainaldy», – delingen úndeýde.
Jýrnalisterdiń aitýynsha, Botagóz Omarova politsiia bóliminde segiz saǵattan astam ýaqyt bolǵan.
«21 naýryzǵa qaraǵan túni tergeý sotynyń otyrysy ótip, onyń nátijesinde eki ai merzimge úiqamaq túrindegi bultartpaý sharasy taǵaiyndaldy. Túngi saǵat 3 pen 5 aralyǵynda onyń páterinde tintý júrgizildi. Qazirgi ýaqytta oǵan naqty qai jýrnalistik materialy úshin 274-bap boiynsha aiyp taǵylǵany týraly resmi aqparat joq. “Mass-media týraly” zańnyń 68-babyna sáikes, jýrnalist, redaktsiia nemese BAQ belgili bir jaǵdailarda shyndyqqa sáikes kelmeitin aqparat taratqany úshin jaýapkershilikten bosatylady. Atap aitqanda, eger aqparat resmi derekkózderden alynǵan nemese jeke jáne zańdy tulǵalardyń sózderin sózbe-sóz keltirgen jaǵdaida», – dep eske saldy úndeý avtorlary.
Olar Botagóz Omarovanyń árdaiym kásibi mindetin adal atqaratynyn, aqparatty muqiiat tekserip, zań aiasynda jumys isteitinin atap ótti.
«Biz onyń zań buzbaǵanyna senimdimiz. Sizden Botagóz Omarovanyń isin jeke baqylaýǵa alýdy jáne jýrnalisterdi mundai qysym jaǵdailarynan qorǵaýdy suraimyz. Sebebi 274-bap jii jýrnalisterge qysym kórsetý quraly retinde qoldanylyp keledi. Konstitýtsiia kepili retinde osy bapty dekriminalizatsiialaý jóninde prezidenttik bastama kóterýińizdi ótinemiz. Sonymen qatar, istiń barlyq mán-jaiyn jan-jaqty, ádil jáne ashyq tergep, protsessýaldyq normalardyń saqtalýyn qamtamasyz etip, Botagóz Omarovaǵa qatysty qylmystyq qýdalaýdy toqtatýǵa yqpal etýińizdi suraimyz», – delingen úndeýde.
Úndeý sońynda: «Qurmetpen, Qazaqstan jýrnalisteri jáne sóz erkindigi mańyzdy dep sanaityn azamattar» dep kórsetilgen.
