Polısıa qyzmetkerleri ınternet-alaıaqtardyń nysanyna avtokólik ıeleri ilige bastaǵandyǵy týraly eskertti, dep habarlaıdy Dalanews.kz.

Sońǵy ýaqytta túrli elderde jol qozǵalysy erejesin buzǵany úshin jalǵan aıyppuldar jiberýge baılanysty ınternet-alaıaqtyqtyń jańa túri tirkelip otyr.

"Qaskóıler avtokólik ıelerine elektrondyq poshta nemese messendjerler arqyly hattar men habarlamalar jiberedi. Onda júrgizýshiniń jeke derekteri, kólik nómiri jáne "aıyppuldy tóleýge arnalǵan" silteme kórsetiledi. Alaıda bul – fıshıngtik shabýyl. Eger adam bank kartasynyń derekterin engizse, alaıaqtar onyń esepshotyna qol jetkizedi. Keı jaǵdaılarda siltemeler arqyly jeke derekterdi urlaıtyn vırýstar da taralady. Mundaı shabýyldar AQSH pen Reseıde tirkelgen, al endi olardyń Qazaqstanda taralý qaýpi bar", – dedi Almaty qalasy PD kıberqylmysqa qarsy kúres basqarmasynyń bastyǵy Ánes Qaldybaev.

Polısıa eske salady: resmı aıyppul týraly habarlamalar tek 1414 qysqa nómirinen keledi jáne eshqashan tólem jasaýǵa arnalǵan siltemelerdi qamtymaıdy.

Aıyppuldardy egov.kz, qamqor.gov.kz saıttarynda nemese bankterdiń mobıldi qosymshalary arqyly tekserýge bolady.

Eger Sizge kúmándi habarlama kelse:

siltemelerge ótpeńiz jáne tirkelgen faıldardy ashpańyz;

aqparatty tek resmı derekkózderden tekserińiz;

eger karta derekterin engizip qoıǵan bolsańyz – dereý kartańyzdy buǵattap, bankke jáne polısıaǵa "102" nómiri arqyly habarlasyńyz.