Premer-ministr Oljas Bektenovtiń tóraǵalyǵymen Úkimet otyrysy ótti. Oljas Bektenov halyqtyń áleýmettik osal toptarynyń úilerin esepke alýdy jáne olarǵa gaz datchikterin tegin ornatýdy tapsyrdy. Úkimet basshysy jumystary mardymsyz ákimdikterdi de atady, - dep habarlaidy Dalanews.kz.
Otyrysta jylý berý maýsymyndaǵy órt qaýipsizdigi máselesi qaraldy.
Oljas Bektenov profilaktikalyq is-sharalardy sapaly iske asyrý jáne qaýipsizdik talaptarynyń saqtalýyn baqylaý qajettigine nazar aýdardy.
Tótenshe jaǵdailar ministrligine gaz tehnikalyq inspektsiianyń ókilettigin kúsheitý jumystaryn júrgizý, al ákimdikterge ministrlikpen birlesip órt qaýipsizdigi ailyq sharasyn uiymdastyrý tapsyryldy. Halyqtyń áleýmettik osal toptaryna jatatyn otbasylarǵa erekshe nazar aýdarý kerek.
Alaida Jetisý, Aqmola, Aqtóbe oblystarynyń jáne Almaty qalasy ákimdikteriniń bul baǵyttaǵy jumystary mardymsyz ekenin atap ótkim keledi. 2%-dan 14%-ǵa deiin ǵana qamtylǵan. Atalǵan ákimdikter datchikter ornatý boiynsha jumysty kúsheitýi kerek",-dep tapsyrdy Oljas Bektenov.
"Qazirgi ýaqytta turmystyq jáne kommýnaldyq tutynýshylardyń gaz jabdyqtaryn qaýipsiz paidalaný talaptarynyń saqtalýyn baqylaý ákimdikterge júktelgen. Alaida jumys tiisti deńgeide uiymdastyrylmaǵan. Gaz toltyrý pýnktteriniń menshik ieleri arasynda ballondardyń sapasyn baqylaý, olardyń jaramdylyq merzimin tekserý týraly túsindirý jumysyn júrgizý qajet", - dedi Oljas Bektenov.
