Qazaqstan azamattary jumyssyz qalǵan jaǵdaida Memlekettik áleýmettik saqtandyrý qorynan áleýmettik tólem alýǵa quqyly,- dep habarlaidy Dalanews.kz.
Eńbek jáne halyqty áleýmettik qorǵaý ministrliginiń málimetine súiensek:
"Jumysynan aiyrylǵan jaǵdaida tólenetin áleýmettik tólem Memlekettik áleýmettik saqtandyrý qorynyń qarajaty esebinen júzege asyrylady jáne bul tólem jumystan shyǵý sebebine qaramastan taǵaiyndalady. Bul- azamat jumys izdeý kezeńinde ony qoldaýǵa baǵyttalǵan kómek.
Qoldanystaǵy zańnamaǵa sáikes, jumystan bosatylǵan adamdarǵa mindetti áleýmettik saqtandyrý júiesine qatysý ótili men sońǵy 24 aidaǵy tabysyna bailanysty 1 aidan 6 aiǵa deiin áleýmettik tólem beriledi. Bul tólem MÁSQ qarajaty esebinen júzege asyrylady jáne joǵaltqan tabystyń 45%-yna deiingi mólsherde tólenedi".
Jumysynan aiyrylǵan azamatqa áleýmettik tólem taǵaiyndaý úshin kelesi qadamdar oryndalýy qajet:
- kz portalyna kirip, avtorizatsiiadan ótý;
- "Jumysqa ornalastyrý jáne jumyspen qamtý" bóliminen "Jumys izdeýshi tulǵalardy tirkeý" qyzmetin tańdaý;
- Onlain túrde qyzmetke tapsyrys berý: barlyq qajetti jolaqtardy toltyryp, ótinimdi ETsK arqyly rastap jiberý;
- Bir jumys kúni ishinde ótinish berýshiniń turǵylyqty mekenjaiy boiynsha ornalasqan mansap ortalyǵy jumys usynatyn bolady;
- Eger laiyqty jumys tabylmasa, úsh jumys kúni ishinde azamatqa qashyqtyqtan "jumyssyz" mártebesi beriledi. Qajet bolǵan jaǵdaida qosymsha aqparat jinaý úshin mansap ortalyǵynyń qyzmetkeri habarlasady.
Bul qyzmetti onlain rejimde Elektrondyq eńbek birjasy (enbek.kz) portaly arqyly da alýǵa bolady.
2025 jyldyń qańtar-shilde ailarynda MÁSQ- dan 1,1 mln. adam jalpy somasy 570, 3 mlrd. teńgege áleýmettik tólemder aldy,bul 2024 jyldyń osyndai kezeńimen salystyrǵanda 5,8% artyq.
