Jumys istemeıtin ákelerdiń dekrettik demalysy zeınetaqy taǵaıyndaý kezinde esepke alynady, dep habarlaıdy Dalanews.kz.
Qabyldanǵan zań aıasynda kámelet jasyna tolmaǵan balalarǵa naqty kútim jasaǵan ýaqyt endi jumys istemeıtin ákelerdiń jasyna baılanysty zeınetaqy tólemderin taǵaıyndaý kezinde eńbek ótiline esepteletin bolady. Tıisti naqtylaýlar Konstıtýsıalyq sottyń normatıvtik qaýlysyn iske asyrý maqsatynda Áleýmettik kodekske engiziledi.
Sonymen qatar depýtattardyń usynysy boıynsha jumys berýshiniń bastamasymen jalǵyzbasty ata-analarǵa (jynysyna qaramastan) qatysty eńbek shartyn buzýǵa tyıym salynady. Osyǵan baılanysty «jalǵyzbasty analar» uǵymy «jalǵyzbasty ata-ana» dep ózgertiledi.
Budan bólek, máslıhattardyń quzyreti tıptik erejeler negizinde «Oblystyń (qalanyń, aýdannyń) Qurmetti azamaty» ataǵyn berý qaǵıdalaryn ázirleý jáne bekitý boıynsha tolyqtyrylady.
