Almaty qalalyq emhanasynyń býhgalterleri sottaldy. Olar jumys istemeitin adamdarǵa jalaqy jazyp, paida tapqan, - dep habarlaidy Dalanews.kz.
Almaty qalasy Medeý aýdanynyń sotymen qalalyq emhananyń býhgalterleri K. Hangireeva men A. Týǵanbaeva sottaldy.
Olar aýrýhanada is júzinde eńbek qyzmetin júzege asyrmaǵan adamdarǵa jalaqyny jáne basqa da tólemderdi zańsyz aýdarý arqyly 341 mln teńgeden astam somada biýdjet qarajatyn jymqyrǵan.
Sot úkimimen bas býhgalter Hangireevaǵa 7 jyl 6 ai bas bostandyǵynan aiyrý jazasy taǵaiyndaldy.
Onyń qaramaǵyndaǵy qyzmetker Týǵanbaeva 7 jylǵa bas bostandyǵynan aiyryldy.
Úkim zańdy kúshine engen joq.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
