Premer-ministrdiń orynbasary ári Saýda jáne integratsiia ministri Serik Jumanǵarin Bloomberg basylymyna suhbat berdi. Vitse-premer ministr Reseige qarsy sanktsiialar týraly jaily da sóz qozǵady.
Jumanǵarinniń aitýynsha, aimaqtaǵy negizgi jumys berýshi bolyp otyrǵan otandyq kompaniialarǵa kesiri tietin bolsa, Qazaqstan Reseige qarsy sanktsiialardy ustanbanbaidy. «Óz óndirýshilerimizdiń saýdasyna tyiym salýǵa jol bermeimiz» deidi ministr. Mysaly Qazaqstan sharikti moiyntirekterdi satýǵa tyiym salýǵa qosylmaǵan. Óitkeni jergilikti zaýyt olardy dástúrli túrde tek Shyǵys Eýropa men TMD elderinde qoldanylatyn spetsifikatsiia boiynsha shyǵarady.
Bloomberg materialynda «Dese de, Qazaqstan qalai bolǵan kúnniń ózinde erejelerdi ármen qarai da saqtai beredi. Sebebi sanktsiia salynatyn bolsa, ony kótere almaitynyn ashyq jetkizdi» delingen.
