– Bizge 36 jastaǵy elorda turǵynynan kúıeýiniń soqqyǵa jyqqany týraly habarlama kelip tústi. Anyqtalǵandaı, 42 jastaǵy er adam úıinde bola tura, áıeline balaǵat sózder aıtyp, sol arqyly kámeletke tolmaǵan eki balasynyń kózinshe onyń ar-namysy men qadir-qasıetine til tıgizip, uryp-soqqan. Belgili bolǵandaı, bul er adamnyń áıeline birinshi ret qol kóterýi emes, – deıdi tártip saqshylary.
Atalǵan fakti boıynsha polısıa qyzmetkerleri otbasynda janjal shyǵarǵan azamatqa qatysty QR Kodeksiniń 73-2 baby boıynsha ákimshilik hattama toltyrǵan. Budan keıin Ákimshilik quqyq buzýshylyq isteri jónindegi mamandandyrylǵan aýdanaralyq sotynyń qaýlysymen er adam 10 táýlikke ákimshilik qamaýǵa alynǵany málim boldy.
Bas qaladaǵy turmystyq zorlyq-zombylyq pen quqyq buzýshylyqtyń aldyn alýdy kúsheıtý maqsatynda elordalyq polısıa basqarmasynyń qyzmetkerleri jan-jaqty jumys istede.
Eger siz zorlyq-zombylyq qurbany bolsańyz, dereý 102 telefony nemese áıelderdi zorlyq-zombylyqtan qorǵaý bóliminiń 8-(7172)-71-60-63 senim telefony arqyly polısıaǵa habarlasýyńyzǵa bolady.
