Qazaqstannyń batysynda júk kólikterin zańsyz tirkegen UQT ustaldy, dep habarlaıdy Dalanews.kz.

Uıymdasqan toptyń qatysýshylary jalǵan satyp alý-satý sharttaryn, kólikti tekserý týraly jalǵan aktilerdi qoldanyp, "Avtoizdeý" aqparattyq júıesine shyndyqqa sáıkes kelmeıtin málimetter engizý arqyly 77 júk kóligin bastapqy tirkeýden ótkizgen.

"Bul zańsyz áreket Aqtóbe, Atyraý jáne Batys Qazaqstan oblystarynyń aýmaǵynda salyq zańnamasynda belgilengen rásimderdi ádeıi aınalyp ótý úshin júrgizilgen. Bastapqy tirkeý alymdaryn tólemeý saldarynan memleketke kelgen jalpy zalal 740 mıllıon teńgeden asty. Sot sheshimimen uıymdastyrýshylar qamaýǵa alyndy", - dep jazylǵan habarlamada.

Sotaldy tergep-tekserý jalǵasyp jatyr.