«Kóktóbe» demalys kesheninde eki júzge jýyq adam qatysqan sez sheshimine sáıkes saılaýǵa túsetin 27 kandıdattyń arasynda Záýresh Battalova, Baltash Tursymbaev, Ámirbek Toǵysov, Petr Svoık, Ýálıhan Qaısar, Ermurat Bápı, Qurmanǵazy Rahmetov, Baqytgúl Mákimbaı, Ǵabıden Jákeı syndy buǵan deıingi saılaýlar kezinde jurtshylyqqa tanylǵan adamdarmen birge Ashat Raqymjanov, Janat Esentaev, Rahym Aıypuly, Tazabek Sámbetbaı sıaqty parlament saılaýyna jańadan túsip jatqandar bar.
Buǵan deıin JSDP-nyń keıbir bólimsheleri saılaýǵa partıa tóraǵasy Jarmahan Tuıaqbaısyz qatysýdy usynǵan. Biraq, búgingi sıeze delegattar Tuıaqbaıdy da partıa tizimine engizý týraly sheshim qabyldady.
Sonymen birge partıa tizimine engizý jóninde aldyn ala kelisilgen keıbir adamdar saılaýǵa qatysýǵa yqtıar bildirmedi deıdi JSDP baspasóz hatshysy Tazabek Sámbetbaı.
– Aqyn Muhtar Shahanov búgingi jıynǵa kelgenimen, belgisiz sebeptermen ketip qaldy. Jazýshy Mereke Qulkenov partıalyq tizim boıynsha saılaýǵa qatysýdan bas tartty, - dedi ol Azattyqqa.
Buǵan deıin 2012 jyly qańtarda ótken parlament saılaýyna JSDP «Azat» partıasynyń qoldaýymen qatysqanymen, qajetti daýys «jınaı almaǵan» edi.
Qazaqstan parlamenti májilisiniń kezekten tys saılaýy naýryzdyń 20-syna belgilengen. Májilistegi 107 depýtattyq orynnyń 97-si partıalyq tizim boıynsha, 9-y Qazaqstan halqy assambleıasy atynan saılanady.
