Jetisýlyq volonter jastar jinalǵan saltanatty sharada oblys ákimi:
– Búgin sizdermen kezdeskenime qýanyshtymyn. Árine, jyl ońai bolǵan joq. Prezidenttiń Volonterlar jylyn jariialaýy dál kúrdeli kezeńmen tuspa-tus keldi. Qiyndyqtarǵa qaramastan, úlken jumys atqarǵandaryńyzdy óz sózinde Qasym-Jomart Kemelulyatap ótti. Biz de sol ystyq yqylasqa qosylyp, el igiligi úshin jasaǵan eńbekterińizge rizashylyǵymyzdy bildiremiz. Volonterlyq – mindet emes, júrek qalaýymen jasalatyn is, – dedi Amandyq Batalov.
Sondai-aq oblystyq jastar saiasaty jónindegi basqarmaǵa birqatar tapsyrmalar berdi.
– Oblystaǵy volonterlardyń jumysy odan ári jalǵasyp, keń qanat jaiýy kerek. Ol úshin erikti jastardyń bas qosatyn keńsesi, jumys isteýine qajetti qural-jabdyqtary, kólikteri bolýy tiis. Osy turǵyda maǵan usynys daiyndap, jeltoqsannyń sońyna deiin kórsetińder. Volonterlyq jumystyń odan ári jandanýyna jan-jaqty qoldaý kórsetýimiz kerek, – dedi oblys ákimi.
Rýslan Kamerdinov – Eńbekshiqazaq aýdany Bijanov aýylyndaǵy sport keshenin jekemenshikten 10 mln teńgege satyp alyp, memleketke tegin qaitaryp berdi. Qazir osy nysanǵa kúrdeli jóndeý júrgizip jatyr.
Atap ótsek, búgingi kúni Almaty oblysynda Memleket basshysy belgilegen 7 baǵyt boiynsha jumys isteitin volonterlardyń front-keńsesi jumys isteidi. Qazirgi kezde Jetisýdaǵy volonterlardyń jalpy sany 3250-ge jetti, sonyń 60-y avtovolonter. Jyl basynan beri 9 myńǵa tarta túrli qaiyrymdylyq aktsiiasy ótkizilgen. 26 myńǵa jýyq kóp balaly otbasy men jalǵyzbasty analarǵa azyq-túlik túrinde əleýmettik kómek kórsetildi. «Saýlyq» baǵyty boiynsha volonterlardyń kómegimen turǵyndarǵa 80 myńdai qorǵaný maskalary tigilip, taratyldy. 116 dezinfektsiialyq jumys júrgizilip, 1889 dəri-dərmek pen antiseptikter úlestirildi.
