Jiyn barysynda QR Prezidenti janynan qurylǵan Ulttyq qoǵamdyq senim keńesiniń múshesi, saiasattanýshy Erlan Sairov Joldaýǵa qatysty kókeide júrgen oilaryn ortaǵa saldy. Ol Memleket basshysynyń Joldaýda atap kórsetken shekaralyq aimaqtardy damytý, áleýmettik turǵydan az qamytylǵan otbasylarynyń jaǵdaiyn túzeý, el jastaryna sapaly bilim berý máseleleri jaiynda baiandady.
– Óz basym Prezident Joldaýyndaǵy óńirlege qatysty oi-paiymynyń mańyzy zor dep esepteimin. Óitkeni Qasym-Jomart Toqaev búginde Qazaqstan halqynyń 42 paiyzy aýyldy jerlerdi mekendeitinin jaqsy biledi. Sondyqtan Joldaýda óńirlerdi damytý isine airyqsha kóńil bóldi. Ortalyqtan jyraqta jatqan aýyldardaǵy áleýmettik jaǵdaidy damytý búginde kezek kúttirmeitin másele. Sebebe elimizdiń ózegi aýylda jatyr. Qazaq halqy men aýyldyń arasynda kózge kórinbeitin rýhani bailanys bar.
Aldaǵy ýaqytta atqarýshy bilik aýyldaǵy áleýmettik jaǵdaidy sheshýge barynsha kúsh salatyn bolady. Bul úshin uzaq merzimdi baǵdarlamalar qajet. Aýyldy túletýge qatysty mańyzdy usynystar Ulttyq senim keńesinde de aityldy.
Qazirgi tańda elimizdegi aýyldy jerlerdi órkendetýdi kózdeitin jobalar qarastyrylýda. Jaqyn ýaqytta olar pisip, jetilip halyq nazaryna usynylatyn bolady, – dedi belgili saiasattanýshy.
Óz sózinde Erlan Sairov Joldaýdaǵy pedagog mártebesin kóterý isi de elimizdegi jastardyń oilaý júiesine damytyp, olardyń jan-dúniesinde rýhani jáne tehnologiialyq ózgerister jasaitynyn alǵa tartty.
Dóńgelek ústelge qatysqan biznes, memlekettik qyzmetkerler Joldaýǵa qatysty óz oilaryn ortaǵa saldy.
