Qazaqstanda jylý maýsymy bastaldy, alaıda kómir tapshy. Bul týraly Energetıka mınıstrliginiń memlekettik energetıkalyq qadaǵalaý jáne baqylaý komıtetiniń otyrysynda belgili boldy, dep habarlaıdy Dalanews.kz.
Jıynǵa "Qazaqstan Temir Joly "UK" AQ ókilderi, kómir óndirýshi kásiporyndar men syrtqy saýda qyzmetiniń mamandary qatysty.
Óńirlerdegi kómir daıyndaý jospary oryndalýy, jartylaı vagondarmen qamtamasyz etilýi, sondaı-aq, óńirlik operatorlardyń qyzmeti týraly esepter tyńdaldy.
"Búginde halyq pen komýnaldyq-turmystyq sektordyń jylytý maýsymyna qajettiligi - 7,4 mln tonna kómir. Óńirler boıynsha kómir daıyndaý kólemi 4,8 mln tonnaǵa jetti, bul - jospardyń 65%-y. Energetıka mınıstrligi óńirlerdi kómirmen qamtamasyz etý máselesin erekshe baqylaýda ustaıdy", - dep jazylǵan habarlamada.
