Búgin BQO Óńirlik komýnıkasıalar qyzmetiniń alańynda  «Jyl úzdigi - 2017» oblystyq jastar premıasy» baıqaýy jarıalandy. Baspasóz máslıhatqa BQO jastar saıasaty máseleleri basqarmasy basshysynyń ý.m.a. Danıar Quljanov pen oblystyq «Bolashaq» korporatıvtik qorynyń dırektory Saltanat Tumanbaeva qatysty.

Atalmysh shara jastardy otansúıgishtikke tárbıeleý, daryndy jastardy anyqtaý men jas býyn ókilderiniń azamattyq belsendiligin arttyrý maqsatynda 2008 jyldan beri dástúrli ótkizilip keledi. Bıyl baıqaý  11 negizgi - «Úzdik jas kóshbasshy», «Úzdik stýdent», «Úzdik jas ustaz», «Úzdik jas ǵalym», «Úzdik jas ónerpaz», «Úzdik jas dáriger», «Úzdik jas sportshy», «Úzdik jas jýrnalıs», «Úzdik jas maman», «Úzdik kásipker», «Úzdik oqýshy», 2 arnaıy - «Qaısarlyǵy men batyldyǵy úshin», «Jyl jańalyǵy» atalymdarynan turady.

Spıkerler qujattar a.j. 20-shy qarashasyna deıin oblystyq «Bolashaq» qaýymdastyǵy keńsesinde (Dostyq-Drýjba kóshesi, úı № 179) qabyldanatynyn habarlady.