Jyl basynan beri memlekettik járdemaqylarmen, sondai-aq Memlekettik áleýmettik saqtandyrý qorynan (budan ári – MÁSQ), balany bosanýǵa jáne bala 1,5 jasqa tolǵanǵa deiin onyń kútimine bailanysty tólemdermen jalpy somasy 299,8 mlrd teńgege 293,9 myń adam qamtyldy, – dep habarlaidy Dalanews.kz
Al bala týǵanda beriletin járdemaqyny 2025 jyldyń basynan bastap respýblikalyq biýdjetten barlyǵy 21,1 mlrd teńge somaǵa 117 myń adam qamtyldy, onyń ishinde sáýir aiynda 5,5 mlrd teńge somasyn 30,5 myń adam aldy. Bul járdemaqyǵa bala týǵan, asyrap alǵan, sondai-aq qamqorlyqqa alǵan balalary bar elimizdiń azamattary, qandastar, sondai-aq Qazaqstanda turaqty turatyn sheteldikter úmitker bola alady.
Balaǵa kútim jasaityn adam mindetti áleýmettik saqtandyrý júiesine qatysýshy bolyp tabylmaǵan jaǵdaida týǵan, asyrap alǵan, sondai-aq qorǵanshylyqqa alǵan balalary bar, eger olar basqa ata-ananyń otbasynda eskerilmese, ógei balalary bar adamdardyń (otbasylardyń) bala kútimine bailanysty járdemaqy alýǵa quqyǵy bar. Esepti kezeńde 1,5 jasqa tolǵanǵa deiin bala kútimi boiynsha járdemaqymen 14,4 mlrd teńge somasyn orta eseppen 123,3 myń adam qamtyldy, onyń ishinde sáýir aiynda 3,7 mlrd teńge somasyn 124,1 myń adam aldy.
Bala týýyna jáne bala kútimine arnalǵan memlekettik járdemaqylardyń mólsheri respýblikalyq biýdjet týraly zańmen tiisti qarjy jylyna bekitilgen ailyq eseptik kórsetkishke (budan ári – AEK) bailanysty belgilenedi. 2025 jyldyń basynan bastap memlekettik járdemaqylardyń mólsheri 6,5%-ǵa indekstelgen.
Biylǵy bala týýyna arnalǵan járdemaqy mólsheri:
- birinshi, ekinshi, úshinshi balaǵa – 38,0 AEK nemese 149 416 teńge;
- tórtinshi jáne odan keiingi balalarǵa – 63,0 AEK nemese 247 716 teńge.
Bala 1,5 jasqa tolǵanǵa deiin onyń kútimine bailanysty tólenetin járdemaqy ai saiyn kelesidei mólsherde tólenedi:
- birinshi balaǵa – 5,76 AEK nemese 22 648 teńge;
- ekinshi balaǵa – 6,81 AEK nemese 26 777 teńge;
- úshinshi balaǵa – 7,85 AEK nemese 30 866 teńge;
- tórtinshi jáne odan keiingi balalarǵa – 8,90 AEK nemese 34 995 teńge.
Budan basqa jumys isteitin azamattarǵa júktilikke jáne bosanýǵa, jańa týǵan balany (balalardy) asyrap alýǵa bailanysty kirisinen aiyrylǵan jaǵdaida MÁSQ-tan tólenetin áleýmettik tólem júktiligi jáne bosanýy boiynsha berilgen demalystyń barlyq kúnderine taǵaiyndalady. Tólem mólsheri júktiligi jáne bosanýy boiynsha ýaqytsha eńbekke jaramsyzdyq paraǵy berilgenge deiingi sońǵy 12 ai ishinde MÁSQ-ǵa áleýmettik aýdarymdar júrgizilgen ortasha ailyq kiriske jáne eńbekke jaramsyzdyq kúnderiniń sanyna bailanysty bolady.
Atalǵan birjolǵy tólemdi jyl basynan beri jalpy somasy 117,3 mlrd teńgege 81,8 myń adam aldy, onyń ishinde sáýir aiynda 32,3 mlrd teńge somasyna 24,8 myń adam aldy. Taǵaiyndalǵan tólemniń ortasha mólsheri úsh aida 1 637 575 teńgeni qurady.
Sondai-aq MÁSQ-dan bala bir jarym jasqa tolǵanǵa deiin onyń kútimine bailanysty kirisinen aiyrylý jaǵdaiy boiynsha ai saiynǵy áleýmettik tólem mindetti áleýmettik saqtandyrý júiesine qatysýshyǵa balanyń týǵan kúninen bastap taǵaiyndalady. Tólemniń mólsheri sońǵy 2 jylda MÁSQ-ǵa áleýmettik aýdarymdar júrgizilgen ortasha ailyq kiristiń 40%-n quraidy. Eki jáne odan da kóp bala týǵan jaǵdaida tólem ár balaǵa jeke taǵaiyndalady.
2025 jyldyń 4 aiynda bul tólem 147 mlrd teńgege 88,8 myń adamǵa taǵaiyndaldy. Onyń ishinde sáýir aiynda 36,7 mlrd teńge somasyna 25,2 myń alýshyǵa tólem taǵaiyndaldy. 4 aidaǵy tólemniń ai saiynǵy ortasha mólsheri 91 953 teńgeni qurady.
