«Jezqazǵan meditsinalyq ortalyǵy» halyqaralyq yntymaqtastyqty nyǵaityp, zamanaýi neirohirýrgiialyq tájiribelerdi engizýde. Túrkiianyń Medicana Health Group jelisimen ornatylǵan áriptestik aiasynda ortalyqqa balalar jáne fýnktsionaldyq neirohirýrgiia salasynyń álemge tanylǵan sarapshysy, professor Erdinç Özek keldi, dep habarlaidy Dalanews.kz.
Sapar 13 naýryz kúni dárigerlerge arnalǵan bilim berý dárisinen bastaldy. Professor balalarda kezdesetin nevrologiialyq aýrýlardy anyqtaý men emdeýdiń ozyq tásilderimen tanystyrdy. Aýtizm, spina bifida jáne balalardyń tserebraldy sal aýrýy siiaqty kúrdeli jaǵdailarǵa erekshe nazar aýdaryldy. Naqty klinikalyq jaǵdailardy taldaý jáne naýqastardy emdeýge qatysty praktikalyq usynymdar mamandardyń erekshe qyzyǵýshylyǵyn týǵyzdy.
14-15 naýryz kúnderi professor neirohirýrgiialyq aýytqýshylyǵy bar 80 naýqasty qabyldady. Óńir turǵyndary bilikti mamannan keńes alyp qana qoimai, halyqaralyq emdeý hattamalarymen tanysý múmkindigine ie boldy.
Sapar barysynda neirohirýrgiia salasyndaǵy ozyq baǵyttar tanystyryldy. Olardyń qatarynda diń jasýshalarymen emdeý, gidrotsefaliiany emdeý, bas jáne julyn aýrýlaryna jasalatyn hirýrgiialyq ota, sondai-aq midy tereń stimýliatsiialaý (DBS) jáne VNS-terapiia siiaqty neiromodýliatsiianyń zamanaýi ádisteri boldy.
Sarapshylardyń pikirinshe, mundai kezdesý tájiribe almasýǵa ǵana emes, ozyq meditsinalyq tehnologiialardy óńirlerge jedel engizýge jol ashady. Jezqazǵan meditsinalyq ortalyǵy mamandarynyń málimdeýinshe, halyqaralyq bailanysty damytý — turǵyndarǵa kórsetiletin meditsinalyq kómek sapasyn arttyrýǵa tikelei áser etetin negizgi baǵyttardyń biri bolyp sanalady.
