Jastar arasynda patrıottyq sezimdi oıatý, jasóspirimderdiń sportqa degen qyzyǵýshylyqtaryn arttyrý, ekstremızm men terorızmniń aldyn alý maqsatynda 2017 jyldyń 19 qarashasy men 3 jeltoqsan aralyǵynda Taldyqorǵanda alǵash ret PATRIOT.KZ realıtı-shoýy uıymdastyrylǵan bolatyn.
Jobaǵa 18-22 jas aralyǵyndaǵy, 70-75 keli salmaq dárejesi arasyndaǵy bokstan QR sport sheberine úmitker sportshylar arnaıy iriktelinip alynyp, 11 aýdan men qaladan 16 qatysýshy qatystyryldy. Eki aptaǵa sozylǵan jarystyń alǵashqy aptasy sporttyq, mádenı baǵdarlamalar men oqý-jattyǵýyna toly bolsa, sońǵy aptasy qatysýshylar arasyndaǵy jarysqa ulasty.
Nátıjesinde, Qaratal aýdanynyń namysyn qorǵaǵan Mıras sharshy alańda qarsylastarynan basym túsip, jeńimpaz atandy. Endi ol 21-qyrkúıek kúni Ulybrıtanıadaǵy azýly eki boksshy Anthony Joshua vs Alexander Povetkin kezdesýin tamashalap, oqý-jattyǵý sabaqtaryna qatysyp, tájirıbe almasatyn bolady.
VIP ZHETYSU kitaphanasynda stýdenttermen ótkizilgen kezdesýge arnaıy shaqyrylǵan boksshy óziniń jańalyqtarymen de bólisti.
«Patrıot Qazaqstan» sporttyq-patrıottyq realıtı-shoýyna qatysyp, jeńisimniń arqasynda kásipqoı boksshylardan sabaq alatynyma qýanyshtymyn. Joba maǵan jeńispen qatar jaqsy joldastardy keziktirdi. Búginde ózimniń sporttaǵy jolymdy taptym desem de bolady. Osy múmkindikti syılaǵan Almaty oblysynyń ákimdigine óz alǵysymdy bildirgim keledi, – dedi Mıras Ertanov.
Sondaı-aq kezdesý sońynda dástúr boıynsha kitaphana qonaǵyna arnaıy syılyqtar tabystalyp, kitaphana múshesi qataryna qabyldandy.
Baljan Jumanbekova
