Saltanatty sharada sóz alǵan oblys ákiminiń orynbasary Batyrjan Baijumanov óńirdegi jastar saiasatynyń jemisti nátijelerin atap ótti:
– Almaty oblysynda 14 pen 29 jas aralyǵyndaǵy 400 myńdai jas turady. Olardyń árqaisynyń boiynda jastyq jalyn, jastyq jiger bar. Búgin Tuńǵysh Prezident kúni qarsańynda óz salalarynda belsendiligimen, aitýly jetistikterimen erekshelengen jastardy marapattap otyrmyz. Mundai beleske óńirde jastar saiasatynyń ońdy júrgizilýiniń nátijesinde jetip otyrmyz. Máselen, oblystaǵy jastardyń volonterlik uiymdarynyń qatysýymen 5 myńdai qaiyrymdylyq sharasy ótkizildi, 38 myńdai adamǵa áleýmettik kómek kórsetildi, volonterlardyń qoldaýynyń arqasynda 92 otbasy jańa qonysqa ie boldy. Bul mysaldar men sandardyń ózi-aq sóilep tur. Jetisýlyq jastar osyndai belsendi ómir saltyn, jetistikter jolyn odan ári jalǵastyrady dep senemin. Oblys ákiminiń atynan bárińizdi marapattaryńyzben quttyqtaimyn, sáttilik pen tabys tileimin! – dedi B.Baijumanov.
Munan soń jiyn marapattaý rásimimen jalǵasty. Kóshbasshy atanǵandar qatarynda Ilfat Abdýllin «Úzdik sportshy» dep tanyldy. Ol halyqaralyq dárejedegi sport sheberi, sadaq atýdan ulttyq quramanyń múshesi. Tokio Olimpiadasyna qatysqan. Japoniiada ótken Olimpiadada jeke birinshilikte 64 qatysýshynyń ishinen 9-shy orynǵa taban tiredi. Bul - Qazaqstannyń táýelsizdik jyldary tarihyndaǵy úzdik nátije.
Aitýly jetistikterimen daralanǵandar qatarynda «Úzdik stýdent» atanǵan Dariia Iliias ta bar. Ol «Elbasy medali» jobasynyń qola medal iegeri. Taldyqorǵan Agrotehnikalyq kolledjinde oqidy, elimizdiń Úzdik stýdentteri akademiiasynyń múshesi.
«Úzdik jas ádebietshi» atanǵan Asyl Sultanǵazy – «Aq qaýyrsyn» ádebi baiqaýynyń laýreaty, «Tul dúnie» óleńder jinaǵynyń avtory, respýblikalyq, oblystyq ádebi baiqaýlardyń birneshe dúrkin jeńimpazy.
Al jas kásipkerler arasynda Janat Tátibaev úzdik dep tanyldy. Ol Jastar jyly aiasynda 3 mln. teńge kólemindegi granttyń iegeri bolǵan, qazir qus fabrikasyn ashýǵa daiyndyq júrgizip jatyr, «Balapan» baǵdarlamasymen ashylǵan iasli balabaqshanyń direktory.
«Úzdik jas oryndaýshy» nominatsiiasynda «AMANAT musik» Halyqaralyq festivaliniń laýreaty Dáýren Berikbolov qara úzip shyqty. Sonymen qatar ol qyrǵyz-qazaq festivalinde 14 eldiń ónerpazdary arasynan II oryndy ielengen, Qyrǵyzstandaǵy «Jyl tańdaýy - 2020» syilyǵynyń «Jyldyń jas, úzdik ártisi» nominatsiiasyn jeńip alǵan.
«Jetisý» telearnasynyń redaktory Kámshat Muhametjan «Úzdik jas jýrnalist» atandy. Ol «Halyq alǵysy» tósbelgisiniń iegeri, Túrkitildes jýrnalister qory uiymdastyrǵan baiqaýda «Aqparat taratatyn úzdik tilshi» nominatsiiasyn jeńip aldy.
Úsh bala tárbielep otyrǵan Nurpeiisovter otbasy eń úzdik jas otbasy retinde marapattaldy. Bul jas shańyraq - «Jas otaý» oblystyq baiqaýynyń jeńimpazy.
Osy kúni barlyǵy 20 jas kóshbasshy marapattalyp, olarǵa arnaiy diplomdar, estelik syilyqtar men aqshalai sertifikattar tabystaldy.
Marapat ieleri atynan «Úzdik jas jýrnalist» Kámshat Muhametjan tilek bildirdi:
– Mundai joǵary marapat alý men úshin zor qýanysh. Bul – meniń birneshe jylǵy eńbegimniń jáne ujymymnyń qoldaýynyń arqasy dep bilemin. Bul – bizdiń ortaq jeńisimiz. Ár jas óz salasynda úzdik bola alady, oǵan bizde barlyq múmkindik bar. Eń bastysy ózińe degen senimmen kásibi biliktiligińdi arttyryp, alǵa nyq qadam basý kerek dep oilaimyn. Barlyq jeńimpazdardy shyn júrekten quttyqtaimyn, – dedi ol.
Qatarynan ozyq shyqqan jastarǵa sharanyń arnaiy qonaǵy QR Aqparat jáne qoǵamdyq damý ministriniń orynbasary Bolat Tilepov izgi nietin bildirip, quttyqtaý sózin arnady.
– Jastardy qoldaý – elimizdiń memlekettik saiasatynyń strategiialyq basym baǵyty. Táýelsizdiktiń 30 jylynda qol jetkizgen tabystarymyzdyń mańyzdysy da – osy bilimdi, talantty jastardyń ósip-jetilýi. Búgingi kúni ózderińdi jan-jaqty damytýǵa eshqandai kedergi joq. Únemi talpyný kerek, básekege qabilettilikti artyryp, bilim alýǵa kóp mán berý kerek. Kóp oqyp, jalyqpai eńbektený kerek. Jastar syilyǵyn tapsyrý – Almaty oblysynyń basqa óńirlerge úlgi bolatyn igi sharasy. Aqparat jáne qoǵamdyq damý ministrliginiń atynan uiymdastyrýshylarǵa alǵys aitamyn. Jetisý jastarynyń bar armandarynyń oryndalýyna tilektespin! – dedi B.Tilepov.
Merekeniń jalǵasy kontserttik baǵdarlamaǵa ulasty.
Jalpy Almaty oblysynda jastar arasyndaǵy jumyssyzdyq deńgeiin tómendetý, jumyspen qamtýǵa jaǵdai jasaý, eńbek naryǵynda jastardyń básekege qabilettiligin arttyrýǵa kóp kóńil bólinedi. Máselen, 2021 jyldyń qarashasyndaǵy málimet boiynsha, 15 myńnan astam jas jumysqa ornalastyrylǵan, josparǵa sáikes «Jastar praktikasyna» 1648 túlek jiberilgen. Sol siiaqty «Diplommen - aýylǵa» baǵdarlamasy boiynsha 974 jas mamanǵa 284,1 mln. teńge kóleminde kóterme járdemaqy berildi. Turǵyn úi alýǵa 568 mamanǵa jalpy somasy 2,5 mlrd. teńge jeńildetilgen nesie berildi.
