Naýryznama onkúndigi aiasyndaǵy Tazarý kúnine orai Jetisý oblysynda bulaq tazalaýǵa arnalǵan «Móldir bulaq» aýqymdy ekologiialyq aktsiiasy ótip, óńirdegi segiz bulaqtyń sózi ashyldy. Kóksý aýdanynda ótken osyndai aktsiiaǵa oblys ákimi Beibit Isabaev qatysty, dep habarlaidy Dalanews.kz.
Jetisý oblysy ákiminiń baspasóz qyzmetiniń málimetinshe, Kóksý aýdany Besqainar aýylyndaǵy bulaq basyna 200-den astam adam jinaldy. Olardyń qatarynda aýyl turǵyndary, kolledj stýdentteri, óńirdegi sý sharýashylyǵy mekemeleriniń ókilderi bar.
Jinalǵandardy Tazarý kúnimen quttyqtaǵan oblys ákimi Beibit Isabaev Naýryz meiramy mániniń adamnyń rýhani tazarýymen asatasyp jatqanyn atap ótti:
- Sońǵy jyldary «Taza Qazaqstan» baǵdarlamasynyń aiasynda Memleket basshysynyń bastamasymen «Meniń aýlam - meniń kóshem - meniń aýylym – meniń elim» formatynda jyl boiy qorshaǵan ortany tazalaý, aǵash egý, saiabaqtar men skverler salý, sýarý júielerin jaqsartý máselesine óte úlken mán berilip keledi. Biz tabiǵaty taza, sýy móldir, shóbi shuraily Jetisý jerin urpaqtarymyzǵa taza, qunarly qalpynda qaldyrýymyz kerek. Osyndai maqsatta búgingi Tazarý kúninde bulaqtyń kózin tazalap, aǵash egemiz. Bul ekologiiany jaqsartyp qana qoimai, adamdardyń ómir súrý jaǵdaiyn jaqsartýǵa yqpal etedi, - degen B. Isabaev barlyq aýdan ortalyqtarynda saiabaqtar qaita jańǵyrlytyp, sýarý júieleri jolǵa qoiylatynyn jetkizdi, sondai-aq búgingi sharaǵa belsene qatysyp otyrǵan azamattarǵa rizashylyǵyn bildirdi.
Sondai-aq Sý resýrstary jáne irrigatsiia ministrligi Sý resýrstary komitetiniń tóraǵasy Arsen Jaqanbaev, Kóksý aýdandyq aqsaqaldar alqasynyń tóraǵasy Sailaýbai Bázilov, «Ekologiialyq eriktiler» uiymynyń múshesi Ulan Ýáliev sóz alyp, is-sharanyń jas urpaqqa taǵylymy mol, tabiǵatqa jasalǵan úlken qamqorlyq ekenin aitty.
Munan soń oblys basshysy aýyl turǵyndarymen birge bulaqtyń kózin ashyp, jas kóshetter otyrǵyzdy.
Aktsiiaǵa qatysýshylardyń biri «Qazyna» balabaqshasynyń qyzmetkeri Dáýren Raiymbekov te pikirin bildirdi:
- Balalarymyzdy tazalyqqa beiimdesek, qorshaǵan ortaǵa qamqorlyq jasaýǵa úiretsek, ony sóz júzindegi aqyl aitý emes, ózimiz istep úlgimizben kórsetsek, bul nátijeli bolady. Búgingi shara – sonyń bir aiqyn kórinisi. Bulaq – halqymyzda sýdyń basy, tirshiliktiń kózi. Sondyqtan bulaqty ashý – kóktemdegi óte mańyzdy is, - dedi ol.
Atap ótsek, osyndai is-sharalar Kóksý aýdanymen qatar Aqsý, Alakól, Eskeldi, Qaratal jáne Panfilov aýdandarynda ótip, bir kúnde jalpy sany segiz bulaqtyń kózi ashyldy. Bulaq mańyn tazalaý men abattandyrý jumystary júrgizilip, bir bulaqta tabiǵi jer betine shyǵý kózi qalpyna keltirildi. Bul bastaý kózderdiń sýy aýyz sý, emdik jáne sharýashylyq-turmystyq qajettilikter úshin paidalanylyp, sý resýrstary tapshylyǵy jaǵdaiynda sýmen qamtamasyz etýdiń qosymsha kózi retinde qarastyrylady.
Jalpy «Móldir bulaq» aktsiiasy aiasynda oblys kóleminde «7 OZEN» ekologiialyq is-sharasy 23 naýryzdan bastap 2 mamyrǵa deiin jalǵasyp, óńirdegi Qaratal, Kóksý, Lepsi, Aqsý, Búien, Ile, Basqan ózenderiniń jaǵalaýlary jáne bulaq kózderi tazartylady.
