Jetisýda konfessiiaaralyq kelisim máseleleri talqylandy
Elbasymyz Nursultan Ábishuly «bizdiń etnosaralyq jáne dinaralyq kelisimniń modeli degenimiz – ol ártúrli konfessiialardyń ózara árekettesýi búkil álemdik protsessine Qazaq Eliniń qosqan shynaiy úlesi» dep sanaidy. Sonymen qatar, Qasym-Jomart Toqaev «Táýelsizdik bárinen qymbat» atty maqalasynda Qazaqstandaǵy dinaralyq kelisim – biz saqtaýǵa jáne damytýǵa tiis uly qundylyq ekenin atap ótken bolatyn.
Elimizdiń Táýelsizdiginiń 30 jyldyǵyna orai Nur-Múbarak Mysyr islam mádenieti ýniversitetinde Qazaqstandaǵy konfessiiaaralyq jáne etnosaralyq kelisimge arnalǵan onlain-konferentsiia ótti. Oǵan ár elden 10-nan astam spikerler qatysty, olardyń ishinde QMDB tóraǵasy, múfti Naýryzbai qajy Taǵanuly, din institýttarynyń ókilderi,ǵalymdar, professorlar, dinaralyq imam Shovosil Ziiadov, RF Islam institýtynyń rektory Rafik Mýhametshin de bar.
Jiynǵa qatysýshylardyń aitýynsha, mundai kezdesýler destrýktivti jáne ekstremistik dini qurylymdardyń qyzmetine jol bermeýge, buqaraǵa olardyń negizgi ustanǵan baǵyttarynyń maǵynasyn túsindirýge múmkindik beredi.
– Qazaqstan musylmandary dini basqarmasynyń basshylyǵy Almaty ákimdigimen birlesip, zamanaýi media tehnologiialardy qoldaný arqyly jas urpaqtyń dini saýattylyǵyn arttyrý boiynsha aýqymdy jumys júrgizýde", – dep atap ótti Almaty oblysy ákiminiń orynbasary Rýstam Áli.
Mysaly, aimaqta Respýblikada kórsetilgen 18 konfessiialyq ilimniń 12-si, óńirimizde resmi tirkelip qyzmet atqarýda. Atalǵan konfessiialarǵa qarasty 644 dini birlestiktermen filialdary bar.
2021 jyldyń 1 toqsanynda júrgizilgen áleýmettik zertteýge málimetter boiynsha, oblys turǵyndarynyń dini saladaǵy jáne konfessiiaaralyq memlekettik saiasatty qoldaý deńgeii 89,5%-dy quraityndyǵy belgili boldy, túrli ult ókilderi arasynda beibit dostyq qarym-qatynas ornaǵan 93 %-dy anyqtaldy, al dini ekstremizmniń aldyn alý jumystary týraly halyqtyń habardar bolý deńgeii 73,9% -dy kórsetken.
Qazaqstannyń egemendik jyldarynda bastan keship otyrǵan ekonomikalyq, áleýmettik, saiasi, mádeni damý qarqynyna qaramastan, ártúrli Rýhaniiat ókilderi arasyndaǵy qatynastar máselesi kún tártibinentúspek emes. Al mundai kezdesýler din salasyndaǵy memlekettik saiasatty iske asyrýda jáne halyqtyń dini saýattylyǵyn arttyrýda, sondai-aq dinaralyq jáne konfessiiaaralyq kelisimdi saqtaýda aitarlyqtai nátijeler beredi.
