Mekteptiń negizin salýshy, Esik forel sharýashylyǵynyń, «MG» ShQ jáne «King Fish» kompaniiasynyń basshysy, ihtiolog Marlen Tursynáli elimizde balyq ósirý salasynda kásibi bilikti mamandandardyń jetispeýshiligi ózekti másele ekenin aitady. Sondyqtan da ol jyl buryn «Balyq sharýashylyǵy mektebin» ashqan.
Oqý kýrsynyń uzaqtyǵy nebary 10 kún. Biraq tyńdaýshylar osy on kún ishinde balyq ósirýdiń qyr-syryna qanyǵyp, jobalaý jáne gidrotehnika týraly bilim alyp, sol siiaqty ihtiopotologiia degen ne, onymen qalai kúresý kerektigimen tanysyp úlgeredi. Kýrsty sátti aiaqtaǵan soń tyńdaýshylar oqýdy bitirgeni týraly tiisti sertifikat alady. Mektep búginge deiin óziniń tabysty jumysyn kórsetip, 70 adamdy oqytyp shyǵardy, sonyń 10-y búginde balyq ósiretin jeke isin ashqan.
– Bizdiń basty maqsatymyz – balyq sharýashylyǵynda mamandardy, sarapshylardy neǵurlym kóp daiyndaý, elimizdegi balyq sharýashylyqtarynyń sanyn arttyrý. Biz teoriialyq jáne praktikalyq sabaqtarymyzda balyqtarǵa jem berý, olardy ósirý, emdeý, kóbeitýdiń erekshelikteri týraly aitamyz, – dedi Marlen Tursynáli.
Kásipkerler palatasynyń Eńbekshiqazaq aýdandyq filialynyń direktory Baqytgúl Dúisebekovanyń aitýynsha, «Balyq sharýashylyǵy mektebine» qajetti kómek filial tarapynan kórsetilip otyr:
– Biz bul ortalyqpen tyǵyz bailanystamyz, munda oqyǵysy keletinderge aqparattyq-túsindirý jumystaryn júrgizemiz. Qatysýshylarǵa biznes bastaý, kásipkerlikti memlekettik qoldaý sharalary týraly keńinen túsindiremiz, sol siiaqty olardyń jobalaryn odan ári qoldaýǵa ázirmiz, – dedi ol.
«MG» sharýa qojalyǵy qubylmaly hanbalyq pen bekire balyqtyń qurtshabaǵyn kóbeitýge mamandanǵan. Ónimniń jyldyq kólemi – 50 tonna forel jáne 10 mln. shabaq, sharýa qojalyǵy 2016 jyly qurylǵan.
Esik forel sharýashylyǵy 2017 jyldan beri jumys isteidi. Munda jylyna 300 tonna forel men 2500 kg deiin qyzyl ýyldyryq óndiriledi. Qazirgi kezde forel sharýashylyǵy balyqtyń shamamen 10 túrin ósirýmen ainalysady.
Atalǵan 3 kompaniianyń quryltaishysy Marlen Tursynáli «Qazaqstandaǵy balyq sharýashylyǵy salasyndaǵy minsiz qyzmeti úshin» tósbelgisimen marapattalǵan.
