Jetisý oblysynyń Aqsý aýdanynda qatty jańbyr jaýyp, saldarynan jedel járdem kóligi 43 jastaǵy naýqastyń mekenjaiyna jete almaǵan, - dep habarlaidy Dalanews.kz.
Alaida jergilikti turǵyn kómekke kelip, dárigerlerge jylqysyn usynǵan. Nátijesinde naýqasqa jedel jetken feldsher alǵashqy kómek kórsetip, naýqas aýrýhanaǵa jetkizilgen.
«Bul meniń tájiribemde birinshi ret boldy, biraq meniń ornymdaǵy kez kelgen adam solai isteitin edi», - deidi feldsher.
Naýqas Aqsý aýdanynyń shalǵai eldi mekenderiniń biri Alajide aýylynda turady.
Oblystyq densaýlyq saqtaý basqarmasy málimetinshe, alǵashqy meditsinalyq kómek kórsetilgennen keiin naýqas aýrýhanaǵa jatqyzylǵan.
"Ony tasymaldaýǵa shuǵyl qyzmetter qosyldy, osylaisha áiel oblystyq aýrýhanaǵa jetkizildi. Qazir naýqas dárigerlerdiń baqylaýymen emdelip jatyr", - dep jazylǵan aqparatta.
