Jetisý oblysy veterinarlardyń ailyǵyn kóterý úshin 3 mlrd 166 mln teńge bóldi
Búginde aýdanda mal basynyń ósýine qaramastan mal sharýashylyǵy ónimderiniń ósimi baiqalmaýda. Birinshi jartyjyldyqtyń qorytyndysy boiynsha 6,7 myń tonnaǵa jýyq et jáne 22,5 myń tonna sút óndirilgen.
Búginde aýdanda maldy asyldandyrý jumystary tiisti deńgeide júrgizilmeýde. Sondyqtan mal basyn asyldandyrýdy qolǵa alý qajet.
Beibit Óksikbaiuly aýdan ákimi Ǵalymjan Mamanbaevqa selektsiialyq jumysty kúsheitip, ónimniń kólemin arttyrýdy tapsyrdy.
Jiynda veterinariia salasy erekshe ataldy. Sebebi, atalmysh salaǵa úlken kóńil bólinýde. Ondaǵy infraqurylymdy jaqsartý, qural-jabdyqtarmen qamtamasyz etý men qatar, osy sala mamandarynyń jalaqylaryn kóterý maqsatynda oblystyq biýdjetten 3 mlrd 166 mln teńge bólgen.
Búginde veterinariialyq preparattardy tasymaldaý úshin 1 refrejerator avtokóligi, 20 dana qyzmettik avtokólik, planshetter men kompiýter jiyntyqtary satyp alynǵan. Sonymen qatar 18 dana modýldi veterinariialyq pýnktiń qurylysy bastaldy. Al Sarqan aýdany boiynsha 38,2 mln teńge bólinip, Cherkassk aýyldyq okrýginde bir veterinariialyq pýnkt salynady jáne eki avtokólik pen qajetti kompiýterlik jabdyqtar satyp alyndy.
– Endigi negizgi maqsat – maldy ýaqytynda egip, qanyn tekserip aqparattyq bazaǵa salyp otyrý kerek. Jalǵan tekserdik, ektik dep esep berýdi toqatatý qajet. Qurmetti aǵaiyn, bir nárseni túsinýimiz kerek. Bulai aldasaq, ózimizdiń, balalarymyzdyń densaýlyǵyna balta shabamyz. Jeitin etimiz, ishetin sútimiz sol maldan shyǵady. Keiinnen bala aýyrdy dep, myńdaǵan aqsha shyǵaryp emdeimiz. Onyń qajeti joq. Jeitin taǵam, aýa, sý birinshi kezekte bolýy tiis. Sondyqtan, osy saladan aqsha aiamýyymyz kerek. Mal men adamnyń densaýlyǵy bir-birimen tikelei bailanysty, – dedi oblys basshysy.
