Túrkistan oblysynyń prokýratýrasy “Jetisai aýdany bilim bólimi” memlekettik mekemesiniń býhgalterlerine qatysty sotqa deiingi tergep-tekserýdi bastady, dep habarlaidy Dalanews.kz.
Tergeý barysynda aýdan esepshileri aldyn ala kelisim arqyly muǵalimderdiń jalaqysynan asa iri mólsherde qarjy jymqyryp kelgeni anyqtaldy. Olar bul áreketterin 2021-2023 jyldar aralyǵynda júzege asyryp kelgen.
“Sotqa deiingi tergep-tekserý basqarmasymen 3 kúdikti ýaqytsha ustaý izoliatoryna qamalyp, sot sanktsiiasymen eki aiǵa qamaýǵa alyndy. Atalǵan qylmysqa basqa da tulǵalardyń qatystylyǵy anyqtalyp jatyr. Ózge aqparattar QPK 201-babynyń talaptaryna sáikes jariia etýge jatpaidy”, - delingen prokýratýra habarlamasynda.
