Aýdandyq ishki saiasat bóliminiń «Jastar resýrstyq ortalyǵy» KMM uiymdastyrýymen ótken sharaǵa Jetisai aýdany ákiminiń orynbasary Marat Ainabekov qatysyp, balyqshylarǵa sáttilik tiledi.
Atalǵan sharanyń maqsaty – salaýatty ómir saltyn nasihattai otyryp týrizmdi damytý, qorshaǵan ortany qorǵaý, jastar arasynda balyq aýlaý sportyna degen qyzyǵýshylyqty arttyrý, kórshiles aýdan, qalalardaǵy balyqshylar arasynda ózara tájiribe almasý, dostyq qarym-qatynasyn nyǵaitý, Túrkistan oblysynyń týristik áleýetin arttyrý.
Balyq aýlaý sportynda ózara myqty qatysýshylardy anyqtaý maqsatynda Túrkistan oblysy, Shardara sý qoimasynyń demalys aimaǵynda saiysqa Jetisai men Maqtaaral aýdandarynan kelgen 25 komandada 100-ge jýyq balyqshy qatysty.
2018 jyly bastaý alyp, 5 jyldan beri jalǵasyn taýyp kele jatqan eki kúndik saiystyń qorytyndysy boiynsha I oryndy «Bekzat carp» komandasy qanjyǵasyna bailasa, II oryndy «Sanur» komandasy ielendi. Al, III oryn «Darhan fishing» komandasyna buiyryp, baǵaly syilyqtarǵa ie boldy.
Munan da bólek, saiysqa belsendi qatysyp, erekshe kózge túsken jekelegen balyqshylar arasynda «Eń úlken balyq ustaýshy», «Alǵashqy balyq ustaýshy», «Eń jas balyq ustaýshy» nominatsiialary boiynsha da qatysýshylar anyqtalyp, uiymdastyrýshylardyń arnaiy diplomdarymen, baǵaly syilyqtarymen marapattaldy.
