Oblys ákimdiginiń málimetinshe, aýyl turǵyny sibir jarasy aýrýyna shaldyqqan degen kúdikke ilindi. Naýqas PTR testinen ótti, qazirgi ýaqytta aýrý rastalmady. Tótenshe jaǵdaıdyń aldyn alý jáne joıý jónindegi jospardan tys oblystyq komısıanyń otyrysynda halyqtyń qaýipsizdigin qamtamasyz etý úshin jergilikti aýqymda tabıǵı tótenshe jaǵdaı jarıalaý týraly sheshim qabyldandy, – dep jazylǵan habarlamada.
Qazir Jetijar aýylynyń kireberisine sanıtarlyq beket ornatylyp, ol jerden aýyl sharýashylyǵy ónimderin shyǵarýǵa ýaqytsha shekteý qoıyldy. Sondaı-aq jaǵdaıdyń sebebin anyqtaý úshin aýdıtorlyq jumystar júrgizilip jatyr.Abaı oblysynyń ákimdigi tek resmı aqparatqa senýge shaqyrady.
Mamandardyń aıtýynsha, sibir jarasy aýa tamshylary arqyly taralmaıdy. Jara aýrý maldyń eti, teri, júni nemese lastanǵan taǵamdar men aýyz sýdy iship-jeý arqyly juǵýy múmkin.
