Qaroi jáne Jaraspai aýyldyq okrýgteriniń turǵyndary jaiylym tapshylyǵyna shaǵymdandy.
– Másele óte ózekti. Malǵa azyq tappai otyrmyz. Ainaladaǵy jerdiń barlyǵy jeke menshikte. Ieleri bul jerge mal jaiýǵa ruqsat bermeidi, ózderi de bul jerdi paidalanbaidy, – dedi aýyl turǵyndarynyń biri Amantai Qupanov.
Nura aýdanynyń ákimi Aian Shalmaǵambetovtyń aitýynsha, búgingi tańda jaiylymdyq jerlerdi tiimsiz paidalaný faktileri oryn alyp otyrǵany rastady.
Aýdan ákimdigi júrgizgen taldaý nátijesi boiynsha jeke qosalqy sharýashylyqtaǵy 75 myń bas mal úshin 641 myń gektar jaiylym qajet ekeni anyqtaldy. Bul rette 261 myń gektar jaiylym jer tapshy. Tek alty aýyldyq okrýg boiynsha jaiylym máselesi 100% sheshilgen.
– Aýyldaǵy birden-bir tabys kózi jaiylymǵa tikelei táýeldi mal sharýashylyǵy ekenin túsinýimiz kerek. Biraq jerdiń kóptigine qaramastan, ár aimaqta aýyl turǵyndaryna mal jaiýy úshin jer jetispeidi. Al osy eldi mekenderge jaqyn jerlerdiń tozyǵy jetken.
Búgingi tańda elimizdegi jaiylymdyq jerlerdiń jalpy qajettiligi 22 mln gektardy quraidy. Aýyldyq jerlerde halqymyzdyń jartysyna jýyǵy turatynyqtan, «AMANAT» bul máselege erekshe nazar aýdarady, – dep atap ótti partiia hatshysy Eldar Jumaǵaziev.
Atap aitqanda, jaiylymdardyń tozýyna jáne shóleittenýine qarsy kúres jónindegi biýdjettik baǵdarlamany oblystyq deńgeiden aýyldyq okrýgter ákimderiniń deńgeiine berý, mal basyn eskere otyryp, jaiylymdardyń jalpy alańyna túsetin júkteme normalaryn jańartý, eldi meken shekarasynan 5 shaqyrym radiýsta aýyl sharýashylyǵy taýaryn óndirýshilerge jaiylym berýge tyiym salý usynylady.
Nura aýdanyndaǵy problemany sheshý úshin ákim Aian Shalmaǵanbetovke jaiylymdyq alqaptarda halyqtyń mal jaiýyn qamtamasyz etýge aýyl sharýashylyǵy taýaryn óndirýshiler, aýyl ákimderi jáne jergilikti qoǵamdastyq arasynda memorandým jasasý tapsyryldy.
Sondai-aq aýyldar men kentterdiń ákimderine shalǵaidaǵy mal sharýashylyǵy úshin bosalqy jerlerden ýaqytsha aqysyz jer paidalaný quqyǵymen alqaptar berý tapsyryldy.
Bul másele «AMANAT» partiiasynyń erekshe baqylaýyna alyndy.
Sýretti túsirgen Radmir Fahrýtdinov.
