Jambyl oblysynyń laýazymdy tulǵalary óz basshylaryna jer telimderi berilgen azamattarmen týystyq bailanystar men múddeler qaqtyǵysynyń týyndaý qaýpi týraly habarlamai, jaqyn týystaryna jer paidalaný quqyǵyn bergen, dep habarlaidy Dalanews.kz.
2024 jyldyń jeltoqsan aiynda Polatqosshy aýyldyq okrýgi ákiminiń jubaiynyń anasyna 1 jyl merzimge 0,0692 ga jer telimi baý-baqsha ósirýge berilgen. Eki aidan keiin jer telimi kommertsiialyq maqsattaǵy sanatqa aýystyrylǵan.
Qaratóbe aýyldyq okrýgi ákiminiń ápkesi baý-baqsha ósirý úshin 0,1 ga jer telimine, sondai-aq jeke menshikte buryn jalǵa alynǵan 0,0763 ga jer telimine quqyq alǵan.
Ákim áieliniń ákesine 0,3500 gektar jer telimin bergen.
Jambyl aýdandyq sotynda memlekettik organdar basshylarynyń sybailas jemqorlyqqa qarsy is-qimyl sharalaryn qoldanbaýyna qatysty eki ákimshilik quqyq buzýshylyq týraly is qaraldy (QR ÁQBtK-niń 680-baby).
Laýazymdy tulǵalar óz kinálaryn tolyq moiyndady.
Sot olardy ÁQBtK-niń 680-baby boiynsha kináli dep taýyp, árqaisysyna 275 myń teńgeden ákimshilik aiyppul salyndy.
Qaýlylar zańdy kúshine endi.
