«Ashyq mikrofon» formatynda ótken basqosýda aýdan turǵyndary kókeide júrgen suraqtaryn qala basshysyna uoiyp, tushymdy jaýap aldy. 3 saǵattan asa ýaqytqa sozylǵan kezdesýde aýdannnyń tynys-tirshiligine qatysty kóptegen suraqtar qoiyldy. Ákim aldaǵy ýaqytta mundai kezdesýlerdi turaqty túrde ótkizip turýdyń mańyzyna toqtaldy.
– Búginde aýdan turǵyndarymen kezdesýde áleýmettik nysandar, injenerlik jeliler, joldar men trotýarlar, aýlalar men qoǵamdyq keńistikter salý, abattandyrý, jyly aialdamalar, beinebaqylaý kameralaryn ornatý, jańa marshrýttardy iske qosý, internet, infraqurylym nysandaryn damytý máseleleri keńinen sóz boldy, – dedi Jeńis Qasymbek.
Qazirgi tańda bas qalada sý, jylý jáne elektrmen qosymsha jabdyqtaý qajettiligi bar ekeni belgili. Osy rette ákimdik kelesi jylytý maýsymy bastalǵanǵa deiin JEO-3, eki gaz jylý stantsiiasynyń qurylysyn aiaqtaýdy josparlap otyrǵany belgili. Bul nysandar jylýmen jabdyqtaý kólemin edáýir arttyryp, turǵyn úi qurylysy qarqyndy júrip jatqan aýdandardy jylýmen qamtýǵa múmkindik beredi.
Sonymen qatar biyl aýyz sý stantsiiasyn (SSS-3) tolyq qýatta iske qosýdy josparlanýda. Satantsiia iske qosylǵanda sý jabdyqtaý máselesin sheshedi. Degenmen birneshe jyldan keiin bul da jetkiliksiz bolýy múmkin. Óitkeni Astana qalasy jyl ótken saiyn damyp kele jatqany belgili. Sol sebepti qalanyń bas jospary jobasyna elordanyń tirshiligin tiisti deńgeide qamtamasyz etetin birqatar nysannyń qurylysy júretin bolady.
– Kóktem kelgen bette aýdandardy abattandyrý, joldar men trotýarlar, aýlalar men qoǵamdyq keńistikter salý jumystaryn jalǵastyramyz. Kezdesýde kóterilgen máselelerdiń qalai sheshilip jatqanyn turǵyndarǵa der kezinde habarlap otyramyz, – dedi elorda ákimi.
