Bilim berý infraqurylymyn qoldaý qory esebinen 15 myńǵa jýyq oqýshyǵa arnalǵan 20 jańa mektep salynady, dep habarlaidy Dalanews.kz.
Jemqorlardan tárkilengen qarajatqa salynatyn bilim berý nysandarynyń tizimi vedomstvonyń saitynda jariialandy. Oǵan mynalar kiredi:
apatty mektepterdi aýystyratyn 2740 oqýshyǵa arnalǵan 5 mektep qurylysy (eki aýysymda);
úsh aýysymda oqytýdy joiý úshin 1200 oryndyq 1 mekteptiń qurylysy (eki aýysymda);
oqýshy orynynyń tapshylyǵyn joiý úshin 8976 oqýshyǵa arnalǵan 11 mekteptiń qurylysy (eki aýysymda);
tozyǵy jetken mektepti aýystyratyn 200 oryndyq 1 mekteptiń qurylysy (eki aýysymda);
eki mektepke qosymsha korpýstar salý (májilis jáne sport zaldary, ashanalar).
Shymkent qalasynda, Jetisý jáne Qyzylorda oblystarynda úsh mektepten, Jambyl oblysynda tórt mektep, Astana qalasy men Almaty oblysynda eki mektepten, BQO, Pavlodar, Soltústik Qazaqstan oblystarynda bir mektepten salynady.
Esterińizge sala keteiik, ótken jyly Bilim berý infraqurylymyn qoldaý qorynan 96 mlrd teńgege 76 738 oqýshy orynyna arnalǵan 62 joba qarjylandyrylǵan bolatyn.
