2024 jylǵy jeltoqsanda Qazaqstanda eldiń aqparattyq keńistigin turaqsyzdandyrýǵa baǵyttalǵan iri aqparattyq shabýyldar tirkelgen joq. Alaida buǵan deiin, 2024 jyldyń sáýirinde, Qazaqstan Respýblikasynyń Syrtqy ister ministrligi (SIM) Qazaqstan men Reseige qatysty jalǵan aqparattyń jiilegenin atap ótken bolatyn, dep habarlaidy Dalanews.kz.
"Aqparat saqshysy" telegram arnasy sol kezde SIM resmi ókili Aibek Smadiiarov mundai aqparattyq shabýyldardy ekijaqty dostyq jáne tatý kórshilik qatynastardy buzýǵa múddeli úshinshi kúshter jasap otyrǵanyn málimdegenin jazdy.
"Jalpy, aqparattyq shabýyldar Qazaqstan úshin ózekti másele bolyp qalyp otyr. Bul jaǵdai memlekettik organdar men qoǵam tarapynan turaqty baqylaý men jedel áreket etýdi talap etedi", delingen jazbada.
Sonymen qatar, 2024 jylǵy jeltoqsanda áleýmettik jelilerde reseilik biznes Qazaqstanda jappai dollar satyp alyp, bul teńgeniń qunsyzdanýyna ákelip jatyr degen qaýesetter tarady. Alaida qarjy sarapshysy Andrei Chebotarev bul boljamdardy joqqa shyǵaryp, mundai tujyrymdar negizsiz ekenin jáne valiýta naryǵyndaǵy jaǵdai áldeqaida kúrdeli faktorlarmen bailanysty ekenin atap ótti.
