Jekemenshik bilim berý mekemeleriniń ustazdary uzaq ýaqyt boiy jalaqylaryn ala almai júr. Bul týraly Májilis depýtaty Ashat Aimaǵambetov málimdedi, dep habarlaidy Dalanews.kz.
Onyń aitýynsha, keibir muǵalimderge áli kúnge deiin 2024 jyldyń jeltoqsan aiynyń eńbekaqysy tólenbegen.
"Kútkendei-aq, jaǵdai ýshyǵyp barady. Jekemenshik mektepterdiń muǵalimderi birneshe aidan beri jalaqy almaǵan. Tipti, 2024 jyldyń jeltoqsany úshin de eńbekaqysyn almaǵan mektepter bar. Jekemenshik mektepterge ártúrli kózqaras bolýy múmkin. Iá, sapa máselesi ondai mektepterde de joq emes. Biraq umytpaýymyz kerek: olar – bilim berý júiesiniń bir bólshegi. Bul – balama, bul – báseke, bul – búginde bilim alyp jatqan júzdegen myń bala", – dep jazdy Aimaǵambetov.
Jyl basynda depýtat elimizdegi jekemenshik mektepterdiń qarjylandyrylýyna qatysty problemany kótergen bolatyn. Ol tek memlekettik bilim berý tapsyrysy arqyly jumys isteitin mekemelerdiń bankrottyqtyń aldynda turǵanyn aitqan. Kóptegen mektepter 2023 jáne 2024 jyldarǵa tiesili qarjyny ala almaǵan. Sol kezde tapshylyq shamamen 80 milliard teńgeni quraǵan
