Qyrǵyzstan prezidenti Sooronbai Jeenbekov 21 qyrkúiekte aimaqqa sapary kezinde elde otbasylyq basqarýǵa jol bermeitinin taǵy málimdedi. Ol prezidenttiń atyn jamylyp júrgenderdi jaýapqa tartýty tapsyrdy.
"Jeenbekov Bakievke ainalyp, týystaryn bilikke tartyp jatyr eken degen alyp-qashpa áńgimelerdi ádeii taratyp jatyr. Men eshqandai týysymdy bilikke jibermeimin.
Ony bilip qoisam, qatań jaza qoldanam. Ony barlyǵy jaqsy biledi.
Qazir meniń kóptegen "týysym" men "dostarym" paida boldy. Olar meniń atymdy jamylyp jumysqa turady eken. Mundai jaǵdailar anyqtalsa, olar birden ustalsyn dep aitam.
Burynǵy prezidentterdiń tájiribesi - maǵan úlken sabaq boldy. Meniń ulym men qyzym bar. Ulym tórtinshi synypta oqidy. Ol Maksim Bakievtiń jasyna jetem degenshe, men qyzmetten ketem. Meniń maqsatym - halyqpen birge bolýy jáne prezidenttik qyzmetti tynysh tapsyrý", - dedi ol.
Prezident buǵan deiin de Qyrǵyzstanda otbasylyq bilikke jol bermeitinin málimdegen.
