Astanada Qazaqstan Jazýshylar odaǵynyń alańynda jańa Konstitýtsiia jobasyn talqylaýǵa arnalǵan kezdesý ótti, dep habarlaidy Dalanews.kz.
Jiynǵa Odaq Basqarmasynyń tóraǵasy Mereke Qulkenov tóraǵalyq etti.
Kezdesý barysynda jańa Konstitýtsiia jobasynyń tujyrymdamalyq negizderi, onyń qoǵamdyq ári rýhani máni keńinen sóz boldy. Talqylaýǵa qoǵam qairatkerleri Janarbek Áshimjan, Aidos Sarym jáne Anar Fazyljan qatysyp, qujat mazmunyna qatysty óz usynystaryn ortaǵa saldy.
Basqosýdyń negizgi maqsaty – el taǵdyryn aiqyndaityn mańyzdy quqyqtyq qujatqa shyǵarmashylyq qaýymnyń kózqarasyn júieleý, sondai-aq jańa Konstitýtsiia jobasyn jalpyulttyq talqylaýǵa keńinen tartý. Osy turǵyda qalamgerler men ziialy qaýym ókilderi qoǵamdaǵy ózgeristerge sergek qarap, quqyqtyq reformalarǵa belsendi qatysýdyń mańyzyn atap ótti.
Talqylaý barysynda konstitýtsiialyq reformanyń basym baǵyttary, jańa jobada qoǵam, mádeniet pen shyǵarmashylyq salasyna qatysty qarastyrylǵan normalar, azamattyq institýttardyń orny men jaýapkershiligi jan-jaqty saralandy. Qatysýshylar azamattardyń quqyqtary men bostandyqtaryn keńeitý, sóz jáne shyǵarmashylyq erkindigin institýtsionaldyq deńgeide kúsheitý eldiń uzaq merzimdi damýy úshin sheshýshi faktor ekenin aitty.
Sonymen qatar, jańa Konstitýtsiiaǵa memleket tarapynan keltirilgen ziiandy óteý týraly normany engizý usynyldy. Shyǵarmashylyq qaýym ókilderi Konstitýtsiiany tek quqyqtyq normalar jiyntyǵy retinde emes, qoǵamdyq sanany jańǵyrtatyn, ádilettilik pen jaýapkershilik qaǵidattaryn ornyqtyratyn rýhani tirek retinde qabyldaý qajettigin atap ótti.
Aita keteiik, áleýmettik zertteý nátijesine sáikes, Qazaqstan halqynyń 85%-y jańa Konstitýtsiia jobasyn qoldaitynyn bildirgen. Qatysýshylardyń pikirinshe, mundai dialog alańdary qujattyń ómirsheńdigin arttyryp, qoǵam tarapynan qabyldanýyn kúsheitedi.
