– «Jaily mektep» jobasy – óńirimizde mektep tapshylyǵyn sheshýge berilgen úlken múmkindik. Endi osy jobany sapaly júzege asyrý kerek. Jaýapty orynbasar, basqarmalar, aýdan, qala ákimderi bilim uialarynyń qurylysyn ýaqtyly ári talapqa sai etip aiaqtaý baǵytynda jumys isteńizder. Mektepterdiń infraqurylymyn tartý, gaz, sý, elektr, jylý, ǵalamtormen qamtý boiynsha tiisti sharalar qabyldansyn. Mektepterdiń qurylys materialdary syrtqy jáne ishki kórinisi, sáýlettik jobasy boiynsha da barlyq merdigerge birińǵai nusqa berilýi tiis.
Eń bastysy, osy «Jaily mektepterdi» joǵary deńgeili ustazdarmen qamtý asa mańyzdy. Qazirden bastap bilikti basshylar men muǵalimder jasaqtaýdy qolǵa alǵan jón, – dedi Darhan Satybaldy.
«Jaily mektep» Ulttyq pilottyq jobasyn iske asyrý sheńberinde 2023-2025 jyldary Túrkistan oblysynda qurylysy salynatyn 63 mekteptiń (jobalyq qýattylyǵy 49 000 oryn) is-shara jospary bekitilip, bekitilgen is-shara josparyna sáikes jańa mektep qurylysyn salýǵa tiisti qujattar Qazaqstan Respýblikasy Oqý-aǵartý ministrligine usynylyp, jumystar atqarylǵan.
Sondai-aq 2023-2025 jyldary qurylys jumystary júrgiziletin eldi mekenderdegi mektepterdi injenerlik infraqurylymmen (sý, elektr, jylý jelileri, káriz júieleri, kirme joldar, internet jelileri, qoǵamdyq kólikter jáne t.b.) qamtamasyz etý sharalary qabyldanyp, infraqurylym jospary bekitildi.
Jiynda mektep qurylysyna qatysty uiymdastyrý jumystaryn baiaý júrgizip jatqan aýdan ákimderine syn-eskertpe aityldy. Jumysty jedeldetý jóninde tapsyrma berildi.
Oblysta eki jylda 300 oryndyq 11 mektep, 600 oryndyq 25 mektep, 900 oryndyq 15 mektep, 1200 oryndyq 6 mektep, 1500 oryndyq 4 mektep jáne 2000 oryndyq 2 mektep salynady.
Joba aiasynda 2023 jyly qurylysy bastalatyn 29 mekteptiń jer telimi «Samruk-Kazyna Construction» AQ menshigine ótkizilip, búgingi kúnge, qurylys-montajdaý jumystary bastaldy. 29 mekteptiń qurylysy 2024 jyly aiaqtalyp, paidalanýǵa beriledi dep kútilýde. Al qalǵan 34 mekteptiń qurylys jumystary 2024 jyly bastalyp, 2025 jyly paidalanýǵa beriledi dep josparlanýda.
Búgingi tańda qurylysy biylǵa josparlanǵan 29 mekteptiń 27-siniń qurylys-montaj jumystaryn júrgizetin merdiger jáne jobalaýshy mekemeleri anyqtaldy. Qalǵan 2 mektebi boiynsha satyp alý konkýrsy ótkizilýde. Qorytyndysy biyl qyrkúiek aiynyń sońyna deiin aiaqtalady.
