Jobalardyń basym kópshiligi óńirdegi týrizm salasyn damytýǵa baǵyttalǵan. Atap aitqanda, «I-Shatyr» jobasy. Ol – Iasaýi kesenesi aimaǵynda ystyqtan qorǵaityn smart shatyrlar júiesin ornatý ideiasy. Jobany usynýshy Janbota Orazbaevanyń aitýynsha, intellektýaldy shatyrlar ystyq klimatty Túrkistan qalasyna arnalǵan. Iasaýi kesenesine kelýshi týristerdi jazdyń kúni kúnnen qorǵap, kóleńkeleýge arnalǵan. Jobamen tanysqan oblys ákimi jańa júieni kúz mezgiline qarai iske qosý qajettigin tapsyrdy.
«EKO-Jai» bul – Báidibek aýdanyndaǵy Aqmeshit úńgiri ailanasynda týrister úshin ekologiialyq shaǵyn demalys úilerin salý jobasy. Joba avtory Mámet Nurboldyń aitýynsha, ekologiialyq úilerde týristerge barlyq jaǵdai jasalady. Jalpy quny 50 mln. teńgege 10 úi salýdy usynyp otyr. Oblys ákimi tiisti basqarma basshylaryna jobany josparǵa engizip, aldaǵy ýaqytta júzege asyrý kerektigin júktedi.
«Zhan-Uia» jobasy. Óńirdegi qarttar úii men balalar úiin biriktirý júiesi. Samatýlla Nýrilanyń aitýynsha, bul kanadalyq joba bala kúlkisi men meiirimge muqtaj jandardy jaqyndastyrýǵa baǵyttalǵan. Jobamen tanysqan oblys basshysy Ómirzaq Estaiuly kelesi jyldan bastap Túrkistan qalasynan jobaǵa qajetti ǵimarattardyń qurylys jumystaryn bastaý qajettigin tapsyrdy.
Jiynda tanystyrylǵan kelesi joba «E-Halyk júiesi. Bul – kópbalaly analarǵa járdemaqy berýdi ońtailandyrýǵa arnalǵan baǵdarlama. Joba avtory Esenbaev Nurdaýlettiń aitýynsha, baǵdarlama áleýmettik járdemaqyny esh kedergisiz, kezeksiz alyp, ýaqyt únemdeýge baǵyttalǵan.
Kelesi «Taza sana, taza qala» jobasy – Kentaý qalasynda qoqys shyǵarý júiesin tsifrlandyrý jáne turǵyndardy tazalyqqa úgitteýge arnalǵan. Joba avtory Ermanov Elnurdyń baiandaýynsha, joba Kentaý qalasyndaǵy tazalyq júiesin tsifrlandyrýǵa baǵyttalyp otyr. Iaǵni, qoqys jáshikterine arnaiy QR-kodtar qoiylyp, qoqystyń kóbeigeni, jáshiktiń bosatylǵan ýaqyty ortalyqtandyrylǵan júiege habarlanyp otyratyn bolady.
Aita keteiik, bul jobalardy QR Prezidentiniń janyndaǵy Memlekettik basqarý akademiiasynyń Túrkistan oblystyq filialynda qaita daiarlaýdan ótken jas memlekettik qyzmetshiler usynyp otyr.
Túrkistan oblysy ákiminiń baspasóz qyzmeti
