Memorandým aiasynda jastarǵa arnalǵan sapaly tsifrlyq bilim berý baǵdarlamasyn iske qosý josparlanýda. Onyń maqsaty – baǵdarlamalaý mektepteri men jas IT mamandaryn qoldaý. Osylaisha, árqaisysy 600 000 teńgege deiingi 3000 vaýcher bólinedi. «Jastar Rýhy» jastar qanaty el aýmaǵynda baǵdarlamaǵa qatysýǵa nietti úmitkerlerdi izdestirýge járdemdesedi.
«Jastar Rýhy» JQ tóraǵasy Nurjan Jetpisbaevtyń aitýynsha, memorandým jastar qaýymyn IT-jobalardy iske asyrýǵa tartý boiynsha birlesip jumys júrgizý maqsatynda jasaldy.
– Memleket basshysy Qasym-Jomart Toqaev «AMANAT» partiiasy jastar qanatynyń VI Sezi delegattaryna joldaǵan beineúndeýinde Jańa Qazaqstan jastary úshin úsh mańyzdy basymdyqty ataǵan bolatyn. Bul – bilimge umtylý, eńbeksúigishtik jáne patriotizm. HHI ǵasyr – ozyq tehnologiialar dáýiri. Bul sektordy damytýda jastardyń mańyzdy ról atqaratynyn jaqsy túsinemiz. Elimizdiń túkpir-túkpirinde biz bilmeitin talanttar óte kóp. «Astana Hub»-pen birlesken joba osyndai jastardyń ózin-ózi tanytýy úshin jaqsy múmkindik bolady, – dep atap ótti Nurjan Jetpisbaev.
– Munda olar úshin kóptegen múmkindikter ashylady. Jastarǵa Tech Orda, No code school, Startup school jáne basqa da tegin bilim berý baǵdarlamalaryn usynamyz. Alem dep atalatyn baǵdarlamalaý mektebimizde IT daǵdylaryn tegin oqýǵa bolady. Qazaqstandyq jastardyń zor áleýetin kórip otyrmyz. «AMANAT» partiiasynyń «Jastar Rýhy» jastar qanatymen birlese otyryp, óskeleń urpaqtyń IT salasyna degen qyzyǵýshylyǵyn arttyra alatynymyzǵa senimdimin, – dep atap ótti «Astana Hub»-tyń bas direktory.
Sonymen qatar, memorandým IT-hakatondy biyl kúzde ótkizýdi kózdeidi. Baiqaý barlyq óńirlerdi qamtityn alǵashqy IT-hakaton bolmaq. Óńirlik irikteýden ótken úzdik jobalar elordadaǵy aqtyq kezeńde synalady.
Aita ketý kerek, «Astana Hub» Ortalyq Aziiadaǵy IT-startaptardyń iri tehnoparkteriniń biri sanalady. Onda otandyq jáne sheteldik tehnologiialyq kompaniialardyń erkin damýy úshin jaǵdai jasalǵan.
https://dalanews.kz/news/80442-elimizding-dini-saiasatynda-songgy-kezd
