«Jastar» ǵylymi zertteý ortalyǵy alańynda jas kásipkerlerdiń perspektivalary talqylandy
Biznes, úkimettik emes sektor ókilderiniń qatysýymen jastardy kásipkerlik qyzmetine tartý jóninde túrli suraqtary talqylandy.
Pikir almasý barysynda «Tsifrlyq transformatsiia» qoǵamdyq qorynyń basshysy Shýjeeva Aziza memlekettiń kómegimen biznes asha alatyn jastardyń sanyn anyqtaý qajettiligin atap ótti. Onyń pikirinshe, jastar kásipkerligi úshin biryńǵai infraqurylym qurý qajet.
«Atameken» UKP Jappai kásipkerlik departamentiniń direktory Shandryga Anastasiia aýyl jastary arasynda kásipkerlikti damytýdaǵy máselelerdi atap ótti. Olardyń ishinde: bastapqy kapital, mikrokredit alýǵa shekteýli qoljetimdilik, orta arnaýly bilim berýdiń, qarjylyq saýattylyqtyń tómen deńgeii. Sonymen qatar, ol «Bastaý biznes» baǵdarlamasynyń 5 jylda tabysty bolǵanyn atap ótti, onyń arqasynda jastar, atap aitqanda, jumyssyz jastar biznes júrgizý boiynsha bilim men daǵdylardy igere alady.
Almaty oblystyq máslihatynyń depýtaty Digai Damir stýdentterdi «Bastaý biznes» baǵdarlamasyna qatysý úshin oqytyp, olardy baǵdarlama sanattarynyń biri retinde engizýdi júielendirý qajettiligin atap ótti.
Kásipkerler Kárimov Shyńǵys pen Shenberg Galina 2019 jyly «Atameken» UKP granttar konkýrsyna jáne «Bastaý biznes»baǵdarlamasyna qatysý tájiribesi, sondai-aq «Biznestiń jol kartasy» sheńberindegi granttar konkýrsy týraly aityp berdi. Shyńǵys Kárimovtyń pikirinshe, «Atameken» UKP tarapynan óz isin ashýǵa bólingen qarajatty tiimdi iske asyrýǵa baqylaýdy kúsheitý qajet. Kásipker Shenberg Galina Qazaqstanda óndirilgen taýarlardy jáne jalpy qazaqstandyq brendti tanymal etý jáne ilgeriletý qajettiligi bar dep sanaidy. Galinanyń pikirinshe, jas kásipkerler arasynda óz biznesin damytý strategiiasy men josparlaý tájiribesiniń jetkiliksizdigi, sondai-aq bilikti mamandardyń bolmaýy jáne halyqty jumyspen qamtý ortalyqtary arqyly kadrlardy irikteý múmkindigi siiaqty problemalar bar.
Is-shara qorytyndysy boiynsha qatysýshylar tiisti usynymdar ázirledi.
