Epıdemıologıalyq ahýal matrısasy boıynsha Túrkistan oblysy «jasyl» aımaqta tur, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Sońǵy táýlikte óńirde KVI-diń 56 jaǵdaıy anyqtaldy. Táýliktik ósim 0.43%-dy quraıdy. Búginde ınfeksıalyq stasıonarlarda 3600 oryn bar, 2559 tósek oryn bos. İndet bastalǵaly koronavırýstyń 12 960 jaǵdaıy tirkeldi.

Jalpy óńirge COVID-19 indetine qarsy vaksınanyń 791 610 dozasy jetkizilgen. İ-komponentpen 745 301 adam nemese 96%, İİ-komponentpen – 606 474 adam nemese 80% egilgen. Keıingi táýlikte 6154 adam ekpe saldyrýǵa nıet bildirgen.

Aıta keteıik, oblystaǵy mekemelerde 8 ottegi stansıasy, 400 ÓJJ apparaty, myńnan asa ottegi apparaty bar. Sondaı-aq, 2 aıǵa jetetin dári-dármek qory jasaqtalǵan, 40-tan astam dári qoımasy men 800-deı dárihana bar.