Elimizde Memleket basshysy Qasym-Jomart Toqaevtyń tapsyrmasymen júzege asyp jatqan «Taza Qazaqstan» tujyrymdamasy aıasynda «Móldir bulaq» ekologıalyq aksıasy bastaldy. Aksıanyń uıymdastyrylýy Naýryznama onkúndiginiń «Tazarý kúnimen» tuspa-tus keldi, dep habarlaıdy Dalanews.kz.
Sharanyń maqsaty – sý kózderin, bulaqtardy, ózen-kólder men teńiz jaǵalaýlaryn qoqystan tazartý, jastardyń boıynda ekologıalyq mádenıetti qalyptastyrý.
Bul ıgi bastamaǵa elimizdiń barlyq mektep oqýshylary, kolej stýdentteri men erikti jastar qoldaý bildirýde. Aksıa aıasynda bulaqtardyń kózin ashý jáne abattandyrý, jaǵalaýlardy turmystyq qaldyqtardan tazartý, tabıǵatty aıalaýǵa baǵyttalǵan ekologıalyq sharalar uıymdastyrylýda.
Mańǵystaý oblysynyń stýdentteri de Kaspıı teńiziniń jaǵalaýynda ótken aksıaǵa atsalysty. Sharaǵa qatysýshylar qorshaǵan ortany taza ustaýdyń mańyzdylyǵyn atap ótedi.
Aıta keteıik, aldaǵy bir aı ishinde «Móldir bulaq» ekologıalyq aksıasy elimizdiń basqa óńirlerinde de jalǵasyn tabady.
