Biyl qazaqstandyq teńgege 32 jyl tolady. Al teńgemen qurdas azamattar úshin bul – múmkindikterge toly kezeń. Jas qazaqstandyqtar belsendi damý ústinde. Olar mansap quryp, otbasyly bolyp, óz baspanasyna qol jetkizýge umtylýda. Kópshiligi úshin jańa úige qonystanýdyń joly ipotekamen jáne bastapqy jarnanyń bolýymen tikelei bailanysty. Alaida jastarǵa bastapqy jarnany jinaý kóbinese qiynǵa soǵady. «Báiterek» holdinginiń enshiles uiymy – Otbasy bankte jas azamattarǵa az jinaqpen nemese múlde jinaǵy bolmasa da, óz baspanasyna jaqyndai túsýge septesetin baǵdarlamalar bar.
«Diplommen – aýylǵa» baǵdarlamasy
Bul baǵdarlamada jinaq múldem qajet emes. Nesie mólsherlemesi – nebári 1%*. Eń joǵary nesie somasy – 2 500 AEK nemese 2025 jyly 9 830 000 teńge. Baǵdarlama diplomy bar jáne aýylda suranysqa ie salalarda jumys istegisi keletin jastarǵa arnalǵan. Mundai salalarǵa bilim berý, densaýlyq saqtaý, áleýmettik qamsyzdandyrý, agroónerkásiptik keshen, mádeniet, sport jáne aýyldyq okrýg ákimdikterindegi memlekettik qyzmet (ákimder men olardyń orynbasarlarynan basqa) kiredi.
Qajetti mamandardyń tizimin jergilikti ákimdikter jyl saiyn jasaidy. Sondyqtan baǵdarlamaǵa qatysqysy keletinder aldymen ózderi ákimdikke baryp, tizimge engizilýi kerek. Budan keiin ótinim otbasybank.kzportalynda beriledi jáne nesieni rásimdeý tolyqtai onlain ótedi.
«Naýryz» baǵdarlamasy
Bul baǵdarlamaǵa qatysý úshin úmitkerdiń qandai mamandyqta jumys isteitini mańyzdy emes. «Naýryz» – bolashaq baspanasyna aqsha jinai bastaǵan azamattarǵa arnalǵan baǵdarlama. Qazirgi ýaqytta ótinimder belsendi túrde qabyldanyp jatyr jáne 2025 jyldyń 1 jeltoqsanyna deiin otbasybank.kz portalynda jalǵasady. Ótinim berý úshin eki negizgi talap oryndalýy tiis:
Eger jas qazaqstandyq baǵdarlama qatysýshylarynyń tizimine ótse, onda nesie alý úshinjańa, taza árleýdegi turǵyn úidi satyp alý kezinde bastapqy jarna – nebári 10%. Eger páter árleýi joq kúiinde satyp alynsa, onda bastapqy jarna – 20%.Nesie mólsherlemesi – jyldyq 9%**. Sonymen qatar nesie somasyna jóndeý shyǵyndaryn da qosýǵabolady.
Baǵdarlama aldaǵy 5 jylda da jalǵasady, sondyqtan jastarda osy ýaqyt ishinde aqsha jinap, baspana alý múmkindigi bar.
Jastarǵa arnalǵan óńirlik baǵdarlamalar
Sońǵy 8 jyl boiy Otbasy bankte óńirlik jastar baǵdarlamalary jumys istep keledi. Bul baǵdarlamalarda da belgili bir mamandyq ókilderine basymdyq beriledi: dárigerler, muǵalimder, mádeniet jáne sport qyzmetkerleri, halyqty áleýmettik qorǵaý salasynyń mamandary, jýrnalister, politseiler men qutqarýshylar.
Bastapqy jarna – 10%, nesie mólsherlemesi – jyldyq 5%-dan bastap. Biyl jasqa arnalǵan baǵdarlamalar Astana, Almaty, Shymkent qalalarynda, sondai-aq Almaty, Shyǵys Qazaqstan, Jambyl, Qaraǵandy, Pavlodar oblystarynda jáne Ulytaý óńirinde iske qosyldy. Jaqyn ýaqytta Abai, Mańǵystaý jáne Qostanai oblystarynda da bastalady.
Baǵdarlamaǵa qatysý úshin Otbasy bankinde depozitte qarajat jinap, baǵdarlamanyń bastalýy týraly jańalyqtardy baqylap otyrý qajet.
Otbasy bankinde árbir teńge — baspana armanyn júzege asyrýǵa jumys isteidi.
Qazir bankte 18–35 jas aralyǵyndaǵy 1,4 million jas qazaqstandyq óz baspanasyna aqsha jinap jatyr. Bul jolda memleket te qoldaý kórsetedi: jyl saiyn salymshylarǵa 20% mólsherinde syiaqy (jyldyq limit — 200 AEK) beriledi. 2025 jyl da bul jaǵynan erekshelik bolmaidy.
Osy jyly eń joǵary memlekettik syiaqy — 157 280 teńge alý úshin depozitti 786 400 teńgege tolyqtyrý qajet.
* JTSM 1%;
**JTSM 9,4% dan 13% deiin;
***JTSM 5,2% dan 5,7% deiin.
