Birneshe jyl qatarynan uiymdastyrylǵan bul joba elimizdegi eń tańdaýly is-sharalardyń biri desek bolady.
Uiymdastyrýshylardyń aitýynsha, bul jobanyń basty maqsaty – elimizdegi óz isiniń sheberine ainalǵan maitalman jýrnalister men media-menedjerler, BAQ jetekshileriniń, blogerlerdiń kásibi biliktiligin jastarmen bólisýge baǵyttalǵan.
Iá, mundai jobalardy jekelegen uiymdar ara-tura uiymdastyryp turatyny belgili. Ókinishke orai, olardyń kópshiligi turaqty túrde uiymdastyrylmaityny jasyryn emes. Osy turǵydan alyp qarasaq, «Jas Qalam» jobasy ózge is-sharalardan oq boiy ozyq turǵanyn baiqaýǵa bolady.
Qazirgi tańda jýrnalistika salasy adam tanymastai ózgergeni belgili. Ǵalamtordyń damýy aqparatty jyldam berýdi, aqparat berýdiń túrli joldarynyń paida bolýyna yqpal etti.
Ótken jyly «Jas Qalam» jobasyna qatysýshylar blogging, TV jýrnalistikasy, baspa jáne internet jýrnalistikasy boiynsha bilimderin shyńdasa, biyl olardyń qataryna blogging jáne áleýmettik media, jeke brending pen PR, televiziialyq jýrnalistika, baspa jáne internet jýrnalistika salasymen tolyǵa tústi. Osylaisha, bir aiǵa sozylǵan biliktilikti shyńdaý kýrstary jas jýrnalisterdiń jańa baǵyttardy igerip, jýrnalistika salasyndaǵy trendterdi tereń meńgerýge septigin tigizedi dep nyq senimmen aitýǵa bolady.
Osy rette «Jas Qalam» jobasy qazaq, orys tilderinde uiymdastyrylatynyn aita ketýimiz kerek. Sharany uiymdastyrýshylar «Jas Qalam» jobasyna qatysýshylardyń sany jyl ótken saiyn artyp kele jatqanyn alǵa tartty.
– Biyl sheberlik saǵattarynyń taqyryptyq baǵytyn jetildire tústik. Bizder kez kelgen jas jýrnalisterdiń baǵytyn aiqyndaýda túrli taqyryptardyń bolǵanyn jón dep sheshtik. Jalpy, «Jas Qalam» jobasyn jyl saiyn uiymdastyrǵanda kózimiz jetkeni bul joba óziniń tiimdiligin kórsetti. Osy jobadan túlep ushqan jastar jýrnalistika salasynda ózderin jaqsy qyrynan jetildirip kele jatqanyn atap aitýǵa bolady. Jas tilshiler «Jas Qalam» jobasyna qatysý arqyly ózderiniń biliktiligin shyńdap, qatelerinen sabaq alýdy úirendi. Osylaisha, olar zamanaýi jýrnalistikanyń qyr-syryn meńgerip, oqý oryndarynda alǵan teoriialyq bilimderin naqta ómirde qalai tabysty iske asyrýdyń joldaryn úirenýde, – deidi Nursultan Nazarbaev atyndaǵy qordyń atqarýshy direktorynyń orynbasary Álkei Marǵulan.
Nurlan JUMAQANOV
