«Turmysqa shyqqannan keiin Úsharal qalasyna kóship keldim. Joldasyma óz isimizdi ashyp, kásipkerlikpen ainalysýdy usynǵanymda birden qoldady. Kókónister men jemisterden sebetter men gúl shoqtaryn jasaýdy, sonymen qatar shaǵyn dúken ashýdy josparladym. «Atameken» UKP barǵanymda munyń bárin qalai júzege asyrý kerektigin túsindirdi. Qoldaý sharalarynyń biri «Bastaý» jobasy boldy. Karantindik erejelerge bailanysty oqý onlain túrde júrgizildi. Degenmen de, ózim úshin kóptegen paidaly jáne qyzyqty nárselerdi úirendim», - dedi kásipker.
2020 jyldyń qazan aiynda jas kásipker «Eńbek» baǵdarlamasy boiynsha 555 600 teńge grant alǵan. Osy qarajatqa ol tońazytqysh jabdyqtaryn, sórelerdi satyp alǵan. Úsharal qalasynyń tyǵyz ornalasqan aýdandarynyń birinen dúkenge arnalǵan oryndy jalǵa alyp, kásibin jalǵastyrǵan.
«Qazirgi ýaqytta dúken ashyp, siz eshkimdi tań qaldyrmaisyz, biraq men úshin bul ómirdegi úlken jáne táýekelge toly qadam edi. Ary qarai óz betimizshe aiaqqa tura alatynymyzǵa zor úmit pen senim boldy. Qazir eki adamdy jumyspen qamtyp otyrmyn. Barlyq kókónister men jemisterdi senimdi jetkizýshilerden satyp alamyz. Zaman aǵymyna sai bolý úshin onlain jetkizý qyzmetin iske qostyq. Instagram paraqshasy jáne WhatsApp jelisi arqyly tapsyrys qabyldaýdy jolǵa qoidyq», - dep atap ótti ol.
Sonymen qatar, Aiman tapsyrys boiynsha avtorlyq sebetter men gúlshoqtaryn jasaidy. Mundai qyzmet aýdan turǵyndary úshin jańa kásip túri bolǵan soń, suranys joǵary ekendigin aityp ótken jón.
Biyl kásipker óziniń avtorlyq sebetter men gúl shoqtaryn satý boiynsha jeke saýda núktesimen qatar, jańa dúken ashýdy josparlap otyr.
Sondai-aq, aýdan ortalyǵyna qarasty Qazaqstan, Beskól, Janama, Eńbekshi syndy aýyldarǵa da kókónister men jemister jetkizýdi qolǵa alýda.
Alakól aýdany ákimdiginiń baspasóz qyzmeti
