Ózbekstan astanasy Tashkent qalasynda ótken Halyqaralyq “Tashkentfest” balalar men jasóspirimder arasyndaǵy shyǵarmashylyq baiqaý-festivalinde Ortalyq Aziianyń eń úzdik etnoorkestr ataǵyna Almaty qalasyndaǵy himiia-biologiia baǵytyndaǵy Ziiatkerlik mektebiniń 8-shi synyp oqýshylarynan quralǵan “ALQOŃYR” ulttyq aspaptar ansambli ie bolyp, baiqaýdyń Bas júldesin utyp aldy.
Ziiatkerlik mektepte 7-synypta dombyra sabaǵy pán retinde kiriktirilip, oqýshylarǵa dombyrashy, qosymsha bilim berý pedagogy, Táttimbet atyndaǵy respýblikalyq baiqaýdyń laýreaty Ertai Barlyqov qazaqtyń ulttyq mýzykasyn dáriptep keledi. Ertai Ǵabdylhaqulynyń jetekshiligimen «Alqońyr» orkestrimen qatar joǵary synyp oqýshylarynan «Nur sazy» halyq aspaptar ansambli jáne qyzdardan jetigenshiler toby quryldy.
«Nur sazy» men «Alqońyr» orkestriniń repertýary jiyrmaǵa jýyq qazaq halyq kúileri men Uly dalanyń kúishi-sazgerleri Dáýletkerei, Qurmanǵazy, Dina Nurpeisovamen qatar Nurǵisa Tilendiev, Ábdimomyn Jeldibaev , Sáken Turysov, Aman Maldybaev syndy qazirgi zamannyń kórnekti kompozitorlarynyń týyndylarymen baiytylyp keledi .
Ertai Ǵabdulhaquly oqýshylarmen shyǵarmashylyq baiqaý-festivalderiniń birin qaldyrmai baq synaidy. Etnofolklorlyq ansamblder respýblikalyq, halyqaralyq shyǵarmashylyq saiystarynyń birneshe dúrkin jeńimpazdary. Qazirgi tańda Ziiatkerlik mektep qorjynynda bes bas júlde jáne onshaqty túrli aspapta oryndaý baǵytyndaǵy nominatsiialar bar ekenin oqýshylar maqtanyshpen aitady.
Qazaqtyń ulttyq aspaptarynda basqa ult ókilderi de úirenip, aitarlyqtai deńgeide meńgerip júr. Sonyń biri túrik otbasynan shyqqan 9-synyp oqýshysy Mustafa Yrza Ziiatkerlik mektebiniń tabaldyryǵyn attaǵannan bastap dombyrany qolǵa alyp, onshaqty kúilerdi úirenip úlgerdi:
– Biz dombyrashylar toby bolyp Ońtústik Koreiada, AQShqa saparmen barǵan mádeni sharalar, konferentsiialarda mindetti túrde qazaqtyń kúilerin oryndadyq. Basqa elderden kelgen oqýshylar dombyraǵa qatty qyzyǵýshylyq bildirgenderi mende erekshe maqtanysh týdyrady,- dep bólisti Mustafa.
