Sharýa qojalyǵy eki jyldyń ishinde 156 gektar jerge ylǵal saqtaý tehnologiiasyn engizip, oǵan jalpy somasy 270 mln teńge investitsiia quiǵan. Buǵan deiin júgeriniń ár gektarynan 70 tsentnerden ónim alsa, tamshylatyp sýarýdy qoldanýdyń nátijesinde ár gektaryna 150 tsentnerge deiin ónim alyp otyr.
«Aigerim» sharýa qojalyǵynyń basshysy Ulan Sarpekovtiń aitýynsha, ol júgeri ósirýmen 11 jyldan beri ainalysyp keledi.
– Sharýashylyqta mal azyǵyna jáne tuqymǵa arnalǵan júgeri túrleri, sol siiaqty popkorn júgerisin ósiremiz. Júgeri ósirýde ylǵal saqtaý tehnologiiasyn engizýdiń mańyzy zor.
Osy rette 2022 jyly aldymen 55 gektarǵa tamshylatyp sýarý júiesin engizip, ár gektarynan 150 tsentnerge deiin ónim jinadyq. Biyl taǵy 101 gektarǵa osyndai qurylǵylar qoidyq.
Tamshylatyp sýarýdyń izraildik tehnologiiasyn almatylyq «Irrigator Kazahstan» JShS ornatqan jáne osy kompaniia júieniń durys jumys isteýine titisti súiemeldeý jasap keledi. Sonymen qatar kompaniia mamandary sý sorǵy stansysynda qalai jumys isteý kerektigin sharýashylyqtaǵy eki jumysshyǵa arnaiy úiretti.
Qojalyqta júgeri sharýashylyǵymen qatar, qazaqtyń biiazy júndi qoiyn ósirý jolǵa qoiylǵan. Búginde sharýashylyqta 15 adam turaqty jumys isteidi. Maýsymdyq kezeńde jumysshylar sany 40-qa jýyqtaidy.
Jalpy Jarkent óńirinde júgerini keptirý, saqtaý jáne ótkizý máselesi de ózekti. Budan birneshe jyl buryn sharýalardyń ótinishine orai Penjim aýylynda oblys ákimdiginiń qoldaýymen júgerige arnalǵan 2 qyrman salynǵan bolatyn. Eki qyrman da búgingi kúni halyqtyń igiligine jumys istep tur.
Jalpy birinshi qyrmanda bir aýysymda 1200 tonna, al ekinshi qyrmanda bir aýsymda 1500 tonna keptiriledi. Sol siiaqty «Orazbaev B.Z.» sharýa qojalyǵy ótken jyly táýligine 800 tonna dán keptiretin syiymdylyǵy 10 myń tonnalyq júgeri keptirý jáne saqtaý zaýytyn salǵan bolatyn. Bul nysannyń óńir sharýashylyqtary úshin de tiimdiligi mol boldy. Sharýashylyq basshysy Berik Orazbaevtyń aitýynsha, qoimada 2022 jyly 5 myń tonnaǵa jýyq júgeri dáni saqtalǵan. Biyl da jumys qarqyny odan kem bolmaidy deidi ol. Zaýytta 25 adam jumys isteidi.
Aýdan ákimi Marat Saǵynbektiń sózine qaraǵanda, búgingi kúnde aýdanda 30 myńdai ónim júgeri óńdeý kásipornyna ótkizilgen. Sharýalar ónimderin negizinen Jarkent krahmal-sirne zaýytyna tapsyrady. Al jalpy aýdanda 4 myńǵa jýyq sharýashylyq júgeri ósirýmen ainalysyp otyr.
– Álemdik naryqtaǵy baǵalarǵa sáikes búgingi kúni júgeri ylǵaldyq deńgeiine qarai 70-80 teńgeniń arasynda baǵalanýda. Bul ótken jylǵy qunynan ediáýir tómen. Sondyqtan biz qazir júgerini belgili bir kólemde Qytai naryǵyna da laiyqty baǵada ótkizý týraly kelisimder jasaýdy josparlap otyrmyz, – dedi aýdan ákimi Marat Saǵymbek. Bul rette ol júgeri ósirýshilerge zaýytqa ótkizgen óniminiń ár tonnasyna 6 myń teńgeden sýbsidiia berilip otyrǵanyn da atap ótti.
Jalpy biyl Jetisý oblysy kóleminde 57 myń gektarǵa júgeri sebilse, sonyń 47% Panfilov aýdanynyń úlesinde. Búgingi kúnge jetisýlyq sharýalar 32,3 myń gektardy jinap aldy. Oblys kóleminde júgeriniń ortasha shyǵymy 63,3 tsentnerden ainalsa, bul kórsetkish Panfilov aýdanynda 66,1 tsentnerden kelip otyr. Panfilov aýdandyq ákimdiginiń málimetinshe, aýdan biyl 180 myń tonna júgeri jinaýdy josparlanyp otyr. Munda ázirge júgeri alqabynyń 13,2 myń gektary jinalǵan.
